Karr

Karr (karroù pe kirri el liester) zo ur ger brezhonek a vez graet eus meur a dra. Dre vras eo ur c'harbed, ur rod pe muioc'h dezhañ, da sachañ pe da zougen traoù pe tud.

Karr divrodek eus Cantabria (hanternoz Spagn) a veze sachet gant div vuoc'h. Harp eo e vrec'h ouzh ur vatezh-karr.

Karr stlejet gant oc'hen e Madagaskar

Ur c'harr-tan Packard Twin-6 d'an tsar Nikolaz II troet da garr-biskoulenn gant an ijinour gall Adolphe Kégresse (1879-1943) e 1911

Disheñvelet e vez ar c'hirri hervez o ment, pe niver ar rodoù warne, niver ar brec'hioù outo, pe an doare da sachañ anezho.

Sachet e vezont gant loened peurvuiañ, kezeg pe ejened dreist-holl, ezen, chas pe loened all a-wechoù ivez zoken. A-wechoù avat e vezont sachet gant tud, evel ar garrigell. Abaoe diwezh an XIX^vet kantved ez eus kirri sachet gant keflusker dre enleskiñ, a vez graet kirri-tan pe kirri-dre-dan anezho, abalamour ma tevont treloskoù kondon.

Karroù a bep seurt

• Karr-argad
• Karr-biskoulenn
• Karrigell, anvet "karr-bout" ivez
• Karr-boutin
• Karr-kañv
• Karr-nezañ, n'eo ket ur c'harr, nag ur c'harbed
• Karr-nij

Gerioù deveret

• Ur marc'h-karr, pe ur vatezh-karr zo binvioù da zougen brec'hioù ar c'harr.

Sellit ouzh ar ger karr er
wikeriadur, ar geriadur frank.

Skeudennoù

• 
  Ur c'harr er Cevenas.
• 
  Ur c'harr hag un denn e Santiago de Cuba, e Cuba.
• 
  Karr ha milin-avel er National Ranching Heritage Center e Lubbock (Texas), SUA.
• 
  Ur rod prenn rezennaouet ha kelc'hiet gant houarn.
• 
  Karr koad en Aostralia.
• 
  Karr sinaat sachet gant un tarv - Tierniezh Sui (581-618).
• 
  Mormoned en o hent etrezek Salt Lake City, SUA, war-dro 1840

Porched an treuzdougerezh – Gwelit ar pennadoù hag ar rummadoù diwar-benn an treuzdougerezh.