Kerzu

Daouzekvet ha diwezhañ miz ar bloaz eo Kerzu en Deiziadur gregorian. Ar mizioù du a vez graet eus miz Du ha miz Kerzu e brezhoneg. Un deiz ha tregont zo ennañ, unan eus ar mizioù hirañ eo eta.

← Kerzu → 1añ 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Genver ·

C'hwevrer ·

Meurzh ·

Ebrel ·

Mae ·

Mezheven ·

Gouere ·

Eost ·

Gwengolo ·

Here ·

Du ·

Kerzu

Kerzu e Les Très Riches Heures du duc de Berry, 1486

An anv

Dont a ra an anv eus "ker" ha "du": ar miz du-tre eo Kerzu.
Kerdu a vez lavaret e rannyezh Treger. Anv ur c'hastell hag ur wazh e korn-bro Lokmikael-an-Traezh eo Kerdu ivez.

E-pad ar miz

• D'an 8 e vez enoret ar Werc'hez Vari gant an Iliz katolik roman.
• An 21 eo deiz kentañ ar goañv en hantervoul norzh ; an deiz berrañ eus ar bloaz eo eno. A-raok an deiz-se e verra an deiz, war e lerc'h e hira goustad. En hantervoul su eo ar c'hontrol, an deiz hirañ eo ha penn-kentañ an hañv.
• D'ar 25 emañ Nedeleg, lidet gant ar gristenien evel deiz ganedigezh Jezuz-Krist.
• An 31 eo deiz diwezhañ ar bloaz, ha kustum eo an dud da lidañ dibenn ar bloaz kozh ha penn-kentañ an hini nevez.