Le Corbeau

Le Corbeau ("Ar Vran") a zo ur film gall sevenet e gwenn ha du gant Henri Georges Clouzot, ha deuet er-maez e 1943. Bec'h en devoe ar film e diwezh an Eil Brezel-bed e Bro-C'hall, pa oa tamallet dezhañ, gant tud ar Rezistañs hag ar gomunourien peurgetket, met ivez gant gouarnamant Vichy hag an Iliz katolik^[1], reiñ ur skeudenn fall eus ar Frañs, pa veze diskuliet tud a-vern gant lizheroù dizanv d'ar c'houlz-se. Berzet e voe ar film neuze, ha berzet ouzh ar sevener ober e vicher da viken. Er bloaz 1947 e voe aotreet skignañ ar film en-dro, ha roet gwir en-dro d'ar sevener d'ober e vicher. Diwar brud ar film-se eo deuet ar c'hiz e galleg d'ober "corbeau" eus un den hag a gas lizheroù dizanv, diskulius pe kunujennus dre vras.

Penn kentañ an istor

Pennoù bras ur gêrig faltaziek eus Bro-C'hall, Saint-Robin, a resev lizheroù dizanv tamallus ha divrudus sinet "ar vran". Enno e vez taolet ar bec'h war an doktor Rémi Germain da gentañ-penn, ha war pennoù-bras all ivez. Gwashaat a ra an traoù pa'n em bersekut unan eus an dud prederiet gant an doktor Germain da-heul ul lizher nevez hag a lavare ne bareje ket diouzh e gleñved. Setu an doktor da glask gouzout piv a zo kuzhet a-drek ar "vran"-se...

Roll ar gomedianed

• Pierre Fresnay : an aotrou doktor Rémy Germain,
• Ginette Leclerc : Denise Saillens,
• Pierre Larquey : an aotrou doktor Michel Vorzet,
• Micheline Francey : Laura Vorzet,
• Héléna Manson : ar glañvdiourez Marie Corbin,
• Noël Roquevert : ar skolaer Saillens,
• Liliane Maigné : Rolande Saillens,
• Antoine Balpétré : an aotrou doktor Delorme,
• Louis Seigner : an aotrou doktor Bertrand,
• Sylvie : mamm an den klañv gant ar c'hrign-bev,
• Bernard Lancret : an eilbarner,
• Jean Brochard : Bonnevie, teñzorour an ospital,
• Pierre Bertin : an aotrou isprefed,
• Robert Clermont : an aotrou de Maquet,
• Gustave Gallet : Fayolle,
• Jeanne Fusier-Gir : ar verserez,
• Marcel Delaitre : an dominigad,
• Roger Blin : François, an den klañv gant ar c'hrign-bev,
• Paul Barge, Lucienne Bogaert, Albert Brouett, Marie-Jacqueline Chantal, Nicole Chollet, Étienne Decroux, Palmyre Levasseur, Albert Malbert, Pâquerette, Palau, Eugène Yvernès.

Fichenn deknikel

• Doare : Drama,
• Skoazeller-sevener : Jean Sacha,
• Senario ha divizoù : Henri Georges Clouzot ha Louis Chavance,
• Kevredad produiñ : Continental Films,
• Produourien : René Montis ha Raoul Ploquin,
• Kevredad dasparzhañ : Films Sonores Tobis,
• Rener ar skeudenniñ : Nicolas Hayer,
• Ijinour ar son : William Robert Sivel,
• Aozer ar sonerezh orin : Tony Aubin,
• Kinklourien : André Andrejew hag Hermann Wann,
• Frammerez : Marguerite Beaugé,
• Luc'hskeudenner leurenn : Henri Pecqueux,
• Prantad filmañ : adalek an 10 a viz Mae 1943,
• Lec'h filmañ : Montfort-l'Amaury (Seine-et-Oise d'ar mare-se),
• Deiziadoù dont er-maez :
  • 1943 : 28 a viz Gwengolo ( Bro-C'hall),
  • 1948 : 23 a viz C'hwevrer (The Raven New York Stadoù-Unanet), 16 a viz Eost (El cuervo Madrid Spagn), 18 a viz Here (Korpen Sveden),
• Padelezh : 92'.

Liammoù diavaez

• (fr) Ur varnadenn eus ar film
• (en) Internet Movie Database
• (en) All Movie
• (en)