Manhattan

Manhattan (distagadur: [mænˈhætən]) a zo unan eus ar pemp borough (ranngêr velestradurel) a ya d'ober kêr New York er Stadoù-Unanet. An hini bihanañ anezho eo, met an hini stankañ ar boblañs ennañ, hag ivez an hini pinvidikañ. Klotañ a ra Manhattan gant kontelezh New York met homañ n'he deus ket galloudoù ur gontelezh normal peogwir e klev ouzh gouarnamant New York.

Evit implijoù all, gwelet Manhattan (disheñvelout).

---

Manhattan

borough of New York City, consolidated city-county

Deiziad krouiñ	1624
Anv ofisiel	Manhattan
Anv er yezh a orin	Manhattan
Treuzskrivadur API	mænˈhætən
Anvet diwar	Manhattan
Anv annezidi	manhattaniti, manhattanite
Stad	Stadoù-Unanet
Kêr-benn	talvoud ebet
E tiriad	New York
Gwerzhid-eur	Eastern Time Zone, UTC−05:00, UTC−04:00
War ribl	East River, Hudson (stêr), Upper New York Bay, Harlem River, Spuyten Duyvil Creek
Daveennoù douaroniel
Poent uhelañ	Manhattan High Point
Penn an aotrouniezh	Gale Brewer
Coextensive with	New York County
Darvoud-alc'hwez	Gwalldaolioù an 11 a viz Gwengolo 2001
Post town	New York
Lec'hienn ofisiel	http://manhattanbp.nyc.gov/html/home/home.shtml
Banniel (deskrivadur)	flag of Manhattan
Dezverket dre	congestion pricing
Poblañsouriezh an danvez	demographics of Manhattan
Kod pellgomz an takad	212, 646, 917
Category for the view from the item	Category:Views from Manhattan, New York City, Category:Views from automobiles in Manhattan, New York City
Rummad evit ar c'hartennoù	Category:Maps of Manhattan, New York City

 

 Eus Wikidata

Lec'hiadur Manhattan e kêr New York

Gwel eus Manhattan.

Ur plas arc'hantel bras eo Manhattan, hag eno emañ Wall Street hag an New York Stock Exchange. Ur bern skraberioù-oabl a zo, gant ar re vrudetañ evel an Empire State Building hag an One World Trade Center a gemer lec'h ar World Trade Center distrujet gant gwalldaolioù d'an 11 a viz Gwengolo 2001. Er New York City Hall (« Ti-kêr New York ») emañ sez Gouarnamant ar gêr. Skolioù-meur brudet zo ivez, evel Skol-veur Columbia, Skol-veur New York ha Skol-veur Rockfeller.

Heñvel ouzh New York eo Manhattan ul lec'h bedvroat. Kalz koñsuldioù ha sez ar Broadoù Unanet a gaver eno. E China Town emañ an niver brasañ a Sinaiz er Cʼhornôg. Lec'h touristelañ ar Mell Aval eo, gant 62,8 milion a doutisted e 2017^[1]. Ar mirdioù brudetañ eo ar Metropolitan Museum of Art, ar muzeom amerikan istor naturel hag ar Museum of Modern Art (MoMA). Time Square, Central Park ha Grand Central Terminal emañ e-touez an dek lec'h ar muiañ gweladennet er bed.

Istor

Dont a ra an anv eus ar ger mounseek manaháhtaan hag a dalv « enezenn stank he zorgennoù » moarvat.

Diazezet e voe ur post kenwerzh e Manhattan izel gant tud eus ar Proviñsoù-Unanet e 1624. Prenet e voe da Ameridianed hag anvet Amsterdam Nevez e 1626. Tremen a reas dindan reoladur ar Saozon e 1664, hag e voe adanvet New York pa voe roet an douaroù-se da Dug York gant e vreur ar roue Charlez II Bro-Saoz.

Douaroniezh

C'hoarvezout a ra ar borough eus enezenn Mahattan, Marble Hill en douar bras hag enezigoù. Enezenn Manhattan zo 59 km² dindani, 21,6 km hirder ha 3,7 km ledander dezhi d'al ledanañ (e-kichen ar 14vet straed).

Yen ha gleb e vez ar goañv, tomm ha gleb an hañv.

Yezhoù

Yezhoù komzet er gêr gant an dud ouzhpenn 5 bloaz evit ar prantad amzer 2011-2015^[2]

Yezhoù	Manhattan	New York	Stadoù-Unanet
saozneg	59,73 %	50,96 %	78,95 %
spagnoleg	22,50 %	24,56 %	13,05 %
sinaeg	5,32 %	5,92 %	1,05 %
galleg	2,36 %	1,11 %	0,43 %
koreaneg	0,89 %	0,97 %	0,38 %
ruseg	0,82 %	2,49 %	0,30 %
japaneg	0,75 %	0,28 %	0,15 %
hebraeg	0,69 %	0,59 %	0,07 %
alamaneg	0,67 %	0,27 %	0,34 %
Yezhoù afrikat	0,65 %	1,07 %	0,33 %
italianeg	0,64 %	1,00 %	0,22 %
portugaleg	0,49 %	0,23 %	0,23 %
hindi	0,44 %	0,41 %	0,24 %
arabeg	0,40 %	0,80 %	0,35 %
tagalog	0,40 %	0,64 %	0,56 %
poloneg	0,27 %	0,70 %	0,19 %
Re all	2,98 %	8,00 %	3,16 %