Plogastell-Sant-Jermen

Plogastell-Sant-Jermen a zo ur gumun eus ar Vro Vigoudenn e departamant Penn-ar-Bed, e mervent Breizh. Penn kanton e oa betek 2015.

Plogastell-Sant-Jermen
Ar maerdi.
Anv gallek (ofisiel)	Plogastel-Saint-Germain
Bro istorel	Kernev
Melestradurezh
Departamant	Penn-ar-Bed
Arondisamant	Kemper
Kanton	Plogastell-S.-Jermen (betek 2015) Ploneour-Lanwern (abaoe 2015)
Kod kumun	29167
Kod post	29710
Maer Amzer gefridi	Annie Berrivin 2020-2026
Etrekumuniezh	Gorre ar Vro Vigoudenn
Bro velestradurel	Bro Gerne
Lec'hienn Web	Ti-kêr
Poblañsouriezh
Poblañs	2 016 ann. (2022)[1]
Stankter	64 ann./km²
Douaroniezh
Daveennoù lec'hiañ	47° 59′ Norzh 4° 16′ Kornôg
Uhelderioù	bihanañ 35 m — brasañ 160 m
Gorread	31,39 km²
Plogastell-Sant-Jermen
kemmañ

Douaroniezh

• War lez Stêr Waien emañ Plogastell.

Anv

• Bernard Tanguy ː Plebs Castelli in Kemenet, 1223; Ploegastel, c. 1330, 1368; Ploecastel Sainct Germain, 1444^[2].
• Erwan Vallerie ː de Plebe Castelli in Kemenet, 1223; Ploegastel, 1368; Ploegastell, 1408; Ploecastel Sainct-Germain, 1444; Ploegastell, 1516, 1536; Ploecastel, 1574; Plougastel Saint-Germain, 1779^[3].

Ardamezioù

Rannet etre aour ha gul, e gastell gant teir zourigell, eilet gant teir brizhenn erminig amgempenn, an eil en egile. Aozer: Bernard Le Brun

Istor

Dispac'h Gall

• Dekred eus ar 26 a viz Du 1790 war al le ret: e penn-kentañ 1791 e voe nac'het al le ouzh ar Roue, ar vro hag al lezennoù gant Tromeur, eus parrez Plogastell, ha gant Philippe, kure trev Sant-Enored^[4].

XX^vet kantved

Brezel-bed kentañ

• Mervel a reas 111 gwaz eus ar gumun abalamour d'ar brezel, eleze 4,79% ag ar boblañs hervez an niveradeg bet graet e 1911^[5].

Eil brezel-bed

• Mervel a reas trizek den ag ar gumun abalamour d'ar brezel^[6].

Brezel Indez-Sina

• Mervel a reas ur milour eus ar gumun d’ar 27 a viz C'hwevrer 1954 e Cac Ba en Tonkin er Viêtnam^[7].

Monumantoù ha traoù heverk

• Klozadur galian ha roman Killioù; maner Killioù, bet diskaret.
• Kastell Hilgi (XVII^vet, XVIII^vet, XIX^vet); marchosioù eus 1682.
• Maner Kerdaniel (XV^vet, XVI^vet, XVIII^vet); chapel eus XVIII^vet.
• Kalvar (1559), da heul monumant ar Re Varv.
• Chapel Sant Jermen (XV^vet, XVI^vet).
• Chapel Sant Honore (XVIIvet), roudoù nemetken.
• Iliz katolik Sant Pêr (XIX^vet).
• Feunteun Santez Kristina.

• 
  Kastell Hilgi.
• 
  Kastell Hilgi.
• 
  Chapel Sant Jermen.
• 
  Chapel Sant Honore.
• 
  Kalvar chapel Sant Jermen.
• 
  An iliz katolik.

• Monumant ar re varv e-tal an iliz katolik, luc’hskeudenn^[8].

Emdroadur ar boblañs abaoe 1962

Niver a annezidi

Melestradurezh

Brezhoneg

• 
  Ar skol Diwan.

• E distro-skol 2024 e oa 35 skoliad enskrivet er skol Diwan (21,9 % eus skolidi ar gumun evit a sell ouzh ar c'hentañ derez)^[9].

Skolioù

• Ur skol-stad.
• ur skol Diwan digoret e miz Gwengolo 2010.

Tud

Tud ganet eno

• 1927 : Lukian Tangi, skrivagner brezhonek

Ardamezeg ar familhoù

	Le Barbu / Barvet, Aotrounez Killioù	En aour e gizenn en glazur
	Le Quélenec Aotrounez Hilguy	En erminoù, e gab en gul karget gant teir flourdilizenn en aour

Gevelliñ

Ar gevellerezh gant Silverton e Devon (Bro-Saoz) deraouet e 1991 a zo bet lakaet termen dezhañ e 2004.

Liammoù diavaez

Commons

Muioc'h a restroù diwar-benn

Plogastell-Sant-Jermen

a vo kavet e Wikimedia Commons.

• Lec'hienn ofisiel ar gumun
• (br) Plogastell-Sant-Jermen war lec'hienn Geobreizh

Levrlennadur

• (fr)Daniel Delattre : Le Finistère. Les 283 communes, 2004.