Remengol

Remengol a oa ur gumun e Breizh e kanton Logunec'h e departamant ar Mor-Bihan.

Ur pennad Remengol (ar Faou) zo ivez.

Remengol
An iliz katolik.
Anv gallek (ofisiel)	Remungol
Bro istorel	Bro-Gwened
Melestradurezh
Departamant	Mor-Bihan
Arondisamant	Pondi
Kanton	Logunec'h
Kod kumun	56192
Kod post	56500
Maer Amzer gefridi	André Guillemet 2014-2020
Etrekumuniezh	Logunec'h Kumuniezh
Bro velestradurel	Bro Pondi
Lec'hienn Web	www.remungol.fr
Poblañsouriezh
Poblañs	955 ann. (2013)[1]
Douaroniezh
Daveennoù lec'hiañ	47° 56′ 05″ Norzh 2° 53′ 52″ Kornôg
Uhelderioù	kreiz-kêr : 80 m bihanañ 42 m — brasañ 125 m
Gorread	26,93 km²
Remengol
kemmañ

Douaroniezh

• Ar stêr Evel a dreuz Remengol.

Anv

• Erwan Vallerie (1995) ː Remugol, 1264 ; Remungol, Reguincol, 1264 ; Remulgot, 1273 ; Remungol, 1273, 1296, 1306 ; Remengol, 1373 'Remungol, 1453 ; Remulgol, 1461 ; Remungol, 14̟81.

Ardamezioù

En geot e dreustell wriet en glazur, e groaz valirant savet gant pevar zour en sabel mogeriet en argant, an hini ouzh kab goloet ; e skoed lankellet en aour karget gant santez Julita en argant, balirant ouzh kondon er c'hreiz-holl ha heuliet ouzh kab a-zehoù gant un tan en gwirion, ouzh kab a-gleiz gant un taf gwer en argant, ouzh beg a-zehoù gant ur gordenn dalwedek en aour, hag ouzh beg a-gleiz gant daou dour-iliz en argant, toet en sabel, renket e giz ur sourin, an hini ouzh beg balirant war egile.

Istor

Dispac'h Gall

• Melestradurezh : krouet e voe kumun Remengol e 1790. Gant al lezenn eus an 23 a viz Eost 1790 e voe lakaet e kanton Pluniav. E distrig Pondi edo. Gant lezenn an 8 pluviôse an IX (28 a viz Genver 1801), dezhi an titl Loi portant réduction du nombre de justices de paix, e voe diskaret kanton Pluniav ha lakaet Remengol e kanton Logunec'h, bet krouet ha brasaet gant ar memes lezenn. Lakaet e oa bet Remengol en arondisamant Ploermael bet krouet e 1800^[2],[3].

XX^vet kantved

Brezel-bed kentañ

• Mervel a reas 71 gwaz eus ar gumun abalamour d'ar brezel, da lâret eo 4,66 % eus he foblañs e 1911^[4].

Kemm arondisamant

• E 1926 e voe dilamet arondisamant Ploermael, lakaet e voe ar gumun en arondisamant Pondi.

Eil brezel-bed

• Mervel a reas c'hwec'h den ag ar gumun abalamour d'ar brezel^[5].

XXI^vet kantved

• D'ar 1añ a viz Genver 2016 e voe kendeuzet ar gumun gant kumunioù Moustoer-Remengol ha Neizin evit sevel kumun nevez Eveliz^[6].

Monumantoù ha traoù heverk

• 
  An iliz katolik.
• 
  Ar feunteun.
• 
  Ar c'halvar.

• Iliz katolik ha feunteun Santez Julid.
• Ar c'halvar.

• 
  Ar monumant.

• Monumant ar re varv e-tal an iliz katolik, luc'hskeudenn^[7].
• Plakenn ar re varv (1914-1918) en iliz katolik, luc'hskeudenn^[8].

Emdroadur ar boblañs abaoe 1962

Niver a annezidi

Tud

Tud bet ganet eno

• Jean Gainche, marc'hhouarner breizhat, 12 a viz Eost 1932.

Ardamezeg ar familhoù

Guillard du Gras Aotrounez Poulfanc En argant e naer en sabel o tislonkañ en gul, e lost skoulmet.

Pennadoù kar

• Moustoer-Remengol,
• Neizin,
• Eveliz.

Liammoù diavaez

• (br) Remengol war lec'hienn Geobreizh