Reuz

Reuz zo ur gumun e Breizh, e Bro-Roazhon, er C'hornôg-Mervent da gêr Roazhon, en hanternoz d'ar stêr Gwilun, war-lez an hent a gas eus Roazhon d'an Oriant.

Reuz
An ti-kêr.
Anv gallaouek	Le Roe
Anv gallek (ofisiel)	Le Rheu
Bro istorel	Bro-Roazhon
Melestradurezh
Departamant	Il-ha-Gwilen
Arondisamant	Roazhon
Kanton	Reuz (pennlec'h)
Kod kumun	35240
Kod post	35650
Maer Amzer gefridi	Chantal Pétard-Voisin 2022-2026
Etrekumuniezh	Roazhon Meurgêr
Bro velestradurel	Bro Roazhon
Lec'hienn Web	www.lerheu.fr
Poblañsouriezh
Poblañs	9 839 ann. (2023)[1]
Stankter	331 ann./km²
Douaroniezh
Daveennoù lec'hiañ	48° 06′ 07″ Norzh 1° 47′ 44″ Kornôg
Uhelderioù	kreiz-kêr : 30 m bihanañ 18 m — brasañ 48 m
Gorread	29,76 km²
Reuz
kemmañ

Douaroniezh

Tri lec'h poblet zo er gumun : kreiz-kêr Reuz, kêriadenn Lanneier Apigné er Reter, ha bourk Menieg-Roazhon er Su (ur gumun gozh staget ouzh Reuz e 1965).

Ar Gwilen a ra an harz gant Roazhon, ar Flûme gant Gwezin ha Pazieg. Gwazh al Lindon a dreuz ar gumun.

Anv

• Erwan Vallerie ː de Rodo, 1279; Le Rou, 1388

Ardamezioù

En argant e dreustell en gul eilet gant teir ferenn en sabel, tanet en gul ; e vevenn kenframmet a ugent dremmad etre sabel hag aour. Tiegezh Appigné ; siell eus 1285.

Istor

Krennamzer

• Krouet e voe ur prioldi gant Aotrouion Apigné e 1268 e kastell La Priouté^[2].
• Meneget e voe parrez Menieg e 1279^[2].

XX^vet kantved

Brezel-bed kentañ

• Mervel a reas 50 gwaz abalamour d'ar brezel hervez monumant ar re varv, eleze 4,95 % ag ar boblañs hervez an niveradeg bet graet e 1911^[3].

Eil Brezel-bed

• Pemp den eus ar gumun a varvas abalamour d'ar brezel^[3].
• D'ar 15 a viz Genver 1943 e stokas daou garr-nij Mosquito FBIV eus ar 105 Squadron eus aerlu ar Rouantelezh-Unanet (Royal Air Force) an eil ouzh egile er Reuz ; an eil, marilhet DZ413 ha kodet K-GB, e "La Jouaudière" ha "Les Champs Férées" e "Lanneier Apigneg" gant daou nijour kanadian (Royal Canadian Air Force) war vourzh, hag egile, marilhet DZ365 ha kodet V-GB, e "Launay " e Menieg-Roazhon gant daou nijour breizhveuriat war vourzh; lazhet e voent o-fevar, ur C'hanadian a voe douaret e Bretteville-sur-Laize (Calvados, Bro-C'hall), an tri nijour all e Bered ar Reter e Roazhon^[4].
• D'an 23 a viz Gwenholon 1943 e kouezhas ur c'harr-nij B-17F (marilhet 42-29937 ha kodet FR-C) eus aerlu SUA (United States Army Air Forces) er "Genkiz" e Menieg-Roazhon (kumun a-wechall bet staget ouzh Reuz e 1965); tri nijour eus e laz a zeuas a-benn da achap, met unan anezhe a voe tapet e Toloza e miz Here 1943, ar seizh milour all a voe tapet gant an Alamaned^[5].
• D'an 12 a viz Even 1944 e kouezhas un nijerez Messerschmitt Bf 109-G6 eus an aerlu alaman (Luftwaffe) e "Le Bas Mée" e Reuz ; ne voe ket adkavet he sturier^[6].
• D'an 28 a viz Mae 1944 e kouezhas ur c'harr-nij Lancaster III marilhet ND814 ha kodet 60-T eus ar 582nd Squadron eus ar Royal New Zealand Air Force (aerlu Zeland-Nevez) e "Les Ponts de Chancors" e Menieg-Roazhon ivez gant seizh nijour war vourzh ; lazhet e voent holl ; e Bered ar Reter e Roazhon e voent sebeliet^[4],[7].

Kendeuziñ

• Staget e voe kumun Moigné ouzh kumun Reuz.

Brezhoneg

• 2,3 % eus anvioù-lecʼh Menieg-Roazhon a zo brezhonek^[8].

Monumantoù ha traoù heverk

Commons

Muioc'h a restroù diwar-benn

Reuz

a vo kavet e Wikimedia Commons.

An iliz katolik.

• Iliz katolik ""Pêr ha Paol.
• Ar c'hastell.
• Park-golf La Frelonnière.
• Kleub-noz Platinium (serret).
• Monumant ar re varv e-tal an iliz katolik, luc’hskeudennoù^[9] ha kartenn-bost^[10].
• Plakennoù ar re varv (1914-1919) en iliz katolik, luc’hskeudennoù^[11].

Emdroadur ar boblañs abaoe 1962

Niver a annezidi

Melestradurezh

Roll ar vaered ha maerezed
Mare		Anv	Strollad	Karg
1790	1792	François Guérin
1792	1795	Claude Dorvo
1795	1799	Limeul
1799	1799	Pierre Jouan
1799	1802	Pierre Garnier
1802	1808	Florent Limeul
1808	1829	Jean-Baptiste Delisle
1829	1830	Jean Guérin
1830	1832	Brunetière
1832	1857	Jean-Baptiste Milon
1857	1874	Jean-Marie Bourgeault
1874	1876	Jean-Marie Dolivet
1876	1876	Louis Bouteloup
1876	1904	Albert de Freslon
1904	1916	Pierre de Freslon
1916	1919	Jean-Marie Roullé
1919[12]	1935	Henry de Freslon	Dehoù-diseurt
1935	1953	Hippolyte du Boisbaudry	Dehoù-diseurt
1953	1971	Jean Châtel	UDF	Kuzulier-departamant (1964-1988)
1972	1995	Jean Auvergne	MRG
1995	2001	Gérard Pourchet	UDF
Meurzh 2001	11 a viz Ebrel 2015	Jean-Luc Chenut	PS	Kuzulier-departamant (abaoe 2008)
11 Ebrel 2015	4 Gouere 2022	Michaël Bouloux[13]	PS	Kannad (abaoe 2022)
4 Gouere 2022	→ bremañ	Chantal Pétard-Voisin[14]	PS
N'eo ket anavezet c'hoazh an holl fedoù.

Skolioù

• (fr)Tan lakaet e kegin ar skolioù e miz Kerzu 2018.

Buhez sevenadurel ha sportel

Brudet eo en tolead dre

• an "RC Le Rheu", unan eus gwellañ kleuboù rugbi Breizh;
• Taoliadoù Reuz (pe Tablées du Rheu, anv ofisiel nemetañ), ur "foar ar gwin" a vez dalc'het e miz Meurzh bep bloaz.
• Kelc'h dañsoù l'Avant-Deux du Rheu

Brezhoneg

• N'eus tamm brezhoneg ebet er skolioù.
• Un ti-embann brezhonek zo, Sav-Heol^[15].

Tud

Ardamezeg ar familhoù

	d'Acigné Aotrounez la Motte-au-Vicomte En erminoù e dreustell zivouedet en gul karget gant teir flourdilizenn en aour Ger-ardamez : Neque terrent monstra[16] (PPC)
	d'Appigné Aotrounez al lerc'h se, e Reuz En arc'hant e per en sabel (PPC)
	le Bart, Aotrounez la Jaunaye ha Méjusseaume En glazur e leonparzh en argant (PPC)
	de Coëtlogon Aotrounez Motte-au-Vicomte; beskonted Méjusseaume e 1570 En gul e zri skoedig en erminoù (PPC)

Gevelliñ

Gevellet emañ ar gumun gant :

• Grasbrunn (Alamagn) abaoe 1974.

Levrlennadur

• (fr)Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• Patrom:RErwan Vallerie : Diazezoù studi istorel an anvioù-parrez. Corpus. An Here. 1995

Liammoù diavaez

• (fr) Lec'hienn ofisiel ar gumun