Tanger

Tanger (arabeg : طنجة Tanja ; amazigh : ⵜⵉⵏ ⵉⴳⴳⵉ tin iggi ; spagnoleg : Tánger ; henc'hresianeg : Τιγγίς Tingís) zo ur gêr e hanternoz Maroko, eil kêr ekonomikel ar vro, kêr-benn rannvro Tanger-Tétouan-Al Hoceïma ha pennkêr prefeti Tanger-Assilah, 24 km eus aod Spagn. Emañ war aod Norzhafrika e mont-tre kornôg Strizh-mor Jibraltar e-lec'h ma kej ar Meurvor Atlantel gant ar Mor Kreizdouar e-kichen ledenez Spartel. 1 275 000 annezad a oa hervez niveradeg ofisiel 2024, ha gant-se e oa trede kêr pobletañ Maroko, war-lerc'h [Casablanca]] ha Fes.

Tanger gwelet eus ar mor.

Emañ ar gêr o cheñch buan hiziv an deiz. E-touez ar raktresoù diorren e kaver ostalerioù cheuc'h a-hed ar bae, ur c'harter aferioù kreiz, hag un aerborzh nevez. Ouzhpenn-se e c'hortozer e adsavo armerzh Tanger a-drugarez da savidigezh ar porzh Tanger-med nevez.

Istor

Un istor pinvidik he deus Tanger hag a ya betek ar Vvet kantved kent JK pa oa bet krouet evel unan eus kêrioù ar Fenikianed eus kêr Kartago. A-hed ar c'hantvedoù eo bet annez meur a sevenadur hag ur santual evit tud eus meur a vro. E 1923 e voe roet ur statud etrevroadel da Tanjer gant ar galloudoù trevadennel, hag evel-se e teuas da vezañ ul lec'h evit tud eus meur a vro ha sevenadur hag ur greizenn genwerzh vras. Er bloavezhioù 1940 ha 1950 e oa brudet Tanjer evel kreizenn ar vuhez bohemian; meur a skrivagner hag arzour a zeuas eno met brudet e oa ivez evit dedennañ milionerien, torfedourien etrebroadel ha c'hoarierien arc'hant.

Gevelliñ

• Beaugency (Bro-C'hall)
• Faro (Portugal) abaoe 1954
• Cádiz (Spagn)
• Saint-Josse-ten-Noode (Belgia)
• Liège (Belgia) abaoe 2006
• Moulins (Allier) (Bro-C'hall)
• Metz (Loren)
• Setif (Aljeria)
• Saint-Denis (ar Reünion) (Enez ar Reünion)
• Bizerte (Tunizia) abaoe 1976
• Casablanca (Maroko) abaoe 2004
• Malaga (Spagn) abaoe 2010
• Rio de Janeiro (Brazil)
• Santiago de Chile (Chili)
• Gibraltar (Rouantelezh-Unanet)

Tud brudet

Tud ganet eno

• Jean-Luc Mélenchon, politikour gall ganet e 1951.

Tud bet o chom eno

• Giuseppe Garibaldi, dispac'hour italian, etre miz Here 1849 ha miz Even 1850
• Henri Matisse, livour gall, etre nevez-amzer 1912 ha diskar-amzer 1912 hag e miz C'hwevrer 1913
• William S. Burroughs, (1914-1997), skrivagner stadunanat adalek 1953
• Tennessee Williams, skrivagner stadunanat, meur a wech e Tanger etre deroù ar bloavezhioù 1950 ha 1964
• Bernard-Henri Lévy, skrivagner gall
• Eugène Delacroix, livour gall
• Jean Genet, skrivagner gall
• Truman Capote, skrivagner stadunanat

Commons

Muioc'h a restroù diwar-benn

Tanger

a vo kavet e Wikimedia Commons.