Шаввал

Шавва̄л (Ӏаьр. شَوَّالُ‎‎) — иза исламан рузманан йа беттан шеран уьтталгӀа бутт бу. Шаввал беттан хьалхарчу дийнахь бусалбанаша даздо мархин бутт чекхболуш догӀу Мархадосту Ӏийд.

Шаввал
Цул хьалхарниг	рамазан
Цуьнан рогӀераниг	зул-къаӀдат
Йохалла	29 де-буьйса[1]
Йуьхьанца дуьйна дӀа(д)баьлла	10 бутт
Викиларми чохь медиафайлаш

Исламан рузма
1. Мухьаррам    2. Сафар    3. РабиӀул-аввал    4. РабиӀул-ахир    5. Жумадал-ула    6. Жумадал-ахират    7. Ражаб    8. ШаӀбан    9. Рамазан    10. Шаввал    11. Зул-къаӀдат    12. Зул-хьижжат
Тахана: кхаара 22 Раби ас-сани 1447 хӀ. ш. Викицитатник • Терахьаш дехьадахар

2020-чу шарахь шаввалан беттаса

ЦӀетилларан бух

Цу баттана цӀе туьллучу хенахь эмкалша шайн цӀогарчий хьалаайина хилла боху, пхарйовлархьама. Эмкалийн шуреш тоьуш ца хилла дела а боху, вуьшта аьлча, уьш йекъа хилла дела^[2].

Исламехь цуьнан дозалла

Шаввал беттан йалх марха кхабар Мухьаммад пайхамарера ﷺ сецна мустахьабб а, суннат а ду. Цу йалх мархин доккха дозалла а, йоккха йал а йу. Шаввал беттан 6 дийнахь марха кхаьбначунна дуьззина шарахь марха кхаьбча санна йал хир йу аьлла чӀагӀо йина Мухьаммад пайхамаро ﷺ. Уьш тӀаьхьий-хьалхий йа къаьстина кхаба мегаш ду, дукхахболчу Ӏеламнаха дийцарехь^[3].

Мухьаммад пайхамаро ﷺ аьлла: «Рамазан марханаш а кхаьбна, цул тӀаьхьа шаввал беттан йалх марха кхаьбнарг, шарахь марха кхаьбча санна хир ву»^[4]. Имам ан-Нававийс аьлла: “Ӏеламнаха аьлла: «Баккъалла а, шеран марха кхабар санна хилла иза, хӀунда аьлча дикачу Ӏамална иттазза йал хуьлу, цундела рамазан итт беттан мехах бу, ткъа йалх бутт шина беттан мехах бу»”.

И йалх марха кхабар тоьшалла лоруш ду мархакхаьбначо шен Далла шукар дарна, шена рамазан баттахь марханаш кхаба аьтто барна.