Aloe arborescens
From Wikipedia, the free encyclopedia
Remove ads
L'aluetu arburescente (Aloe arborescens) hè una pianta chì face parte di a famiglia di e Liliaceae. Hè originariu di l'Africa australe. Hè cultivatu à fini orticoli è medicinali, per u più à u Giappone.
Remove ads
Etimologia
U nome genericu Aloe vene da a parola latina aloe è da u grecu αλόη, termini chì pudianu designà l'Aloe vera. L'epitetu genericu arborescens vene da u latinu è significheghja "arburescente, chì hà l'apparenza di un arburu".
Storia è sistematica
L'aluetu arburescente hè cultivatu in i giardini di a Cumpagnia olandese di l'Indie orientale à u Capu à parte si da almenu 1695. Hè impurtatu à Amsterdam da u prufissore Commelinin u 1674 è à u Giappone à u XVIIu seculu.
Philip Miller, u botanistu di u giardinu butanicu di Chelsea à Londra publicheghja in u 1768, in u so celebru dizziunariu di l'ortulanu, a prima descrizzione butanica di a pianta, sottu à u nome d' Aloe arborescens. A famiglia di l'Aloacee hè criata in u 1802 da u botanistu tedescu August Batsch (sottu à u nome d'Alooideae) ma ùn hè micca bè accittata da a cumunità di i botanisti è casca in disusu mentre centu uttanti anni. Ùn hè ch'è in u 1981, ch'è Cronquist a rimette à l'onore. A famiglia di i Xantorroeacee, creata in u 1829 da u naturalistu belgicu Du Mortier, per e piante monocutiledone di u generu Xanthorrhoea d'Australia, hè allargata da a classifica APG III (2009) per inchjude i generi in tempi di una volta piazzati in e famiglie Asphodelaceae induve fubbe dinù classificata Aloe arborescens.
Sinonimi
Sicondu The Plant List, i sinonimi di Aloe arborescens sò:
- Aloe arborea Medik.
- Aloe arborescens var. frutescens (Salm-Dyck) Link
- Aloe arborescens var. milleri A.Berger in H.G.A.Engler
- Aloe arborescens var. natalensis (J.M.Wood & M.S.Evans) A.Berger en H.G.A.Engler
- Aloe arborescens var. pachythyrsa A.Berger en H.G.A.Engler
- Aloe frutescens Salm-Dyck
- Aloe fruticosa Lam.
- Aloe fulgens Tod.
- Aloe natalensis J.M.Wood & M.S.Evans
- Aloe perfoliata var. arborescens (Mill.) Aiton
- Aloe perfoliatum Meyen
- Aloe principis (Haw.) Stearn
- Aloe salm-dyckiana Schult. & Schult.f.
- Aloe salm-dyckiana var. fulgens (Tod.) A.Berger
- Aloe sigmoidea Baker
- Catevala arborescens (Mill.) Medik.
- Pachidendron principis Haw.
Remove ads
Descrizzione
L'Aluetu arburescente hè un arburettu, chì pò aghjunghje 2 à 3 m di altezza, incù e casce persistente. U picciolu sulitariu o ramificatu, pò aghjunghje un diamitru di 30 cm à u basamentu, incù e foglie morte persistente.
E casce sessile, sò disposte in rusette dense, à l'estremità di i piccioli. U lembu hè lungarinu. Si ristringhje rigularmente da u basamentu à l'arice è misura da 50 à 60 cm di longu, annantu à 5-7 cm di largu à u basamentu.
L'infiuriscenza di 60-80 cm hè eretta, di regula simplicia, qualchì volta incù un ramu.
Lucalisazione
L'aluetu arburescente hè prisente naturalmente in a parte sudestu di l'Africa australe. Hè indigenu in a rigione ragruppendu l'Africa di u Sudu, u Botswana, u Malawi, u Mozambicu è u Zimbabwe. Pussede a distribuzione a più stesa in u generu Aloe.
Benchì l'aluetu arburescente s'adatta à numerosi tipi d'ambienti, u so ambiente naturale si trova generalmente in e rigione muntose. Cresce annantu à e scugliere muntose, qualchì volta in toppe dense, in e pratuline di muntagna frà i scogli, in e fureste poche dense è e fureste custiere.
L'aluetu arburescente hè statu impurtatu in numerosu paesi trupicali, sottutrupicali o timperati caldi, per e so qualità orticole è e so virtù medicinale. Hè diventatu invasivu à u Portugallu.
Fubbe introduttu à u Giappone à u XVIIu seculu induve ellu s'hè naturalizatu annantu à e coste di u punente è di u sudu. Hè prubabilmente 'ssu paese chì hè u più produttore impurtante ma solu per u mercatu internu. In Italia, a so cultura cummerciale hè destinata à a cosmetica è à l'erburisteria. A cultura hà principiatu in China è in Israele.
Remove ads
Referenze
Ligami
Remove ads
Wikiwand - on
Seamless Wikipedia browsing. On steroids.
Remove ads