Canofula
From Wikipedia, the free encyclopedia
Remove ads
A Canofula (o carofanu) (Dianthus sylvestris) hè un fiori chì faci parti di a famidda di i Caryophyllaceae. Hè urighjinaria d'Auropa è d'Africa di u Nordu. A carofula hè alta 10 à 40 centimi. Fiurisci d'aprili à austu. I fiora sò rusulini.
I sottuspezzi di canofula sò:
- Dianthus sylvestris subsp. aristidis
- Dianthus sylvestris subsp. bertisceus
- Dianthus sylvestris subsp. longibracteatus
- Dianthus sylvestris subsp. longicaulis: a sottuspezia prisenti in Corsica
- Dianthus sylvestris subsp. nodosus
- Dianthus sylvestris subsp. siculus
- Dianthus sylvestris subsp. sylvestris
- Dianthus sylvestris subsp. tergestinus
Remove ads
In Corsica
A canòfula hè cumuna in Corsica. A sottuspezia di canofula prisenti in Corsica hè: Dianthus sylvestris longicaulis var. godronianus. Hè endemica di a Corsica, a Sardegna è a Pruvenza. Si scontra in l'isula sana, da a piaghja à a muntagna, da u litturali insin'à 2400 metri. A canofula si distingui di a canofula di i calanchi (Dianthus furcatus gyspergerae), un'antra spezia endemica di Corsica, chì ùn si scontra cà in i calanchi di Piana.
Remove ads
Citazioni
Accadi chì a canofula fussi citata in a litteratura è a cultura corsa. Par esempiu:
- in a sprissioni: bellu com'è un carofanu
- in a nanna dlu Bambinu di Monsignori di la Fuata:
- Tù sè a culomba, tù sè la turduledda
- Tù sè lu spicu, tù sè l'arba vannedda ,
- Tù la mela maschirossa,
- Lu garofanu è a cannedda ;
- Or arreghja ti una stonda,
- La me fraula rubiconda.
Da veda dinò
Rifarenzi
- Gamisans, Jacques, A flora endemica di Corsica - La flore endémique de Corse , 1996, Edisud (in francesu)
- Arnestu Papi, Biddezza
Liami
Wikiwand - on
Seamless Wikipedia browsing. On steroids.
Remove ads