Biscutella rotgesii
From Wikipedia, the free encyclopedia
Remove ads
Biscutella rotgesii hè una pianta chì face parte di a famiglia di e Brassicaceae. Hè alta 10 à 30 cm. U picciolu hè appena pilosu. E casce sò verde scuru ma diventanu russicce dopu chì a pianta hè stata in fiore. I fiori sò chjucarelli è gialli. Biscutella rotgesii fiurisce di veranu sin'à l'istate. I frutti, à dui à dui, s'assumiglianu à un paghju di spichjette ovale.
Remove ads
Statutu
Biscutella rotgesii hè classata cum'è in priculu di sparizione da l'IUCN. Face parte dinù di e 50 piante più minacciate di l'isule di u Mediterraniu.
In Corsica
Biscutella rotgesii hè endemica di a Corsica è ùn esiste ch'è quì. Hè rarissima, chì ùn ci hè ch'è in dui lochi: in l'Inzecca è versu u Pont'è à Leccia. Pò essa cunfusa incù un'antra pianta di listessu generu, Biscutella didyma, chì hè prisente in Europa è in u Mediterraniu. Ma e casce di Biscutella didyma sò verde chjaru è a forma di e spichette sò ronde.
Da vede dinù
- a flora di Corsica
- a flora endemica di Corsica
- Canofula
- Lepru corsu
- Pavonu corsu
- Pinguicula corsica
- Spinedda
- Spinitriculu
- Stachys corsica
- Zafranu corsu
'Ssu artìculu hè in custruzzione. Pudete cuntribuisce à a so redazzione.
Wikiwand - on
Seamless Wikipedia browsing. On steroids.
Remove ads