Илле Тăхти

Илле Тăхти (паспортра: Ефимов Илья Ефимович), (1889 çул, авăн, 4, Чăваш Ен, Тăвай районĕ, Нӳшкасси ялĕ — 1938 çул, нарăс, 22, Шупашкар, Чăваш АССР) — чăваш çыравçи, сăвăçи.

Илле Тăхти
Çуралнă чухнехи ят:	Илья Ефимович Ефимов
Çуралнă вăхăт:	1889, авăн, 4
Çуралнă вырăн:	Нӳшкасси ялĕ, Тăвай вулăсĕ, Çĕрпӳ уесĕХусан кĕпĕрни (халĕ Тăвай районĕ, Чăваш Ен)
Вилнĕ вăхăт:	1938, нарăс, 22
Вилнĕ вырăн:	Шупашкар, Чăваш Ен, РСФСР, ССРП
Ĕçлев тĕсĕ:	чăваш çыравçи тата фольклорисчĕ
Ĕçсен чĕлхи:	чăваш

СССР ÇП пайташĕ (1934).

Пурнăçĕ

1889 çулхи авăн уйăхĕн 4-мĕшĕнче Чăваш Енĕн Тăвай районĕнчи Нӳшкасси ялĕнче çуралнă.

Ялти шкулта пĕлӳ илнĕ хыççăн Хусанти вĕрентӳçсене хатĕрлекен семинарире вĕренсе тухнă, Чăваш Енри Элĕк районĕнчи Тавăт шкулĕнче ĕçленĕ. Халăх хушшинче çӳрекен сăвă-юрăна нумай пухнă.

1911 çулта вĕсене Хусанта пĕр харăсах иккĕ кĕнеке калапланă: пĕри — «Тавăт, Мĕлĕш, Шураç юррисем», тепри — «Хураç». 1922-1925 çулсенче республикăри Халăх çутĕç комиссариачĕн инспекторĕ пулса тăрăшнă.

1925-1928 çулсенче Мускав литература институтĕнче вĕреннĕ, çав вăхăтрах «Ĕçлекенсен сасси» журналпа «Чăваш хресченĕ» (каярахпа «Коммунар») хаçат редакцийĕсенче ĕçленĕ.

1928-1931 çулсенче вăл Шупашкарти педагогика техникумĕнче чăваш чĕлхипе литературине вĕрентнĕ. 1931-1938 çулсенче Илле Тăхти литература ĕçĕпе пурăннă.

Чылай çул хушши ӳпке чирĕпе асапланнă хыççăн вăл 1938 çулхи нарăсăн 22-мĕшĕнче Шупашкар пульницинче вăхăтсăр вилсе кайнă.

Пултарулăх ĕçĕсем

Автор пурĕпе 10 кĕнекене çутта кăларнă:

• «Колчак» (1919; 1935),
• «Калавсемпе сăвăсем» (1930),
• «Шерхулла» (1936),
• «Калавсем» (1955),
• «Суйласа илнисем» (1960),
• «Поэзи, проза, публицистика» (1979).

Вуламалли

• «Чăваш литературин антологийĕ», ред.: Д. В. Гордеев, Ю. А. Силэм. Шупашкар, 2003. ISBN 5-7670-1279-2 .
• Кириллова И. Ю., "Своебразие художественного мира Илле Тăхти", ЧПУ, Шупашкар, 2006.