Николаев Иван Николаевич

Иван Николаевич Николаев (16.1.1907, Вăрманхĕрри ялĕ, Çĕрпӳ уесĕ (халĕ Чăваш Енĕн Тăвай районĕ) — 31.3.1993, Шупашкар, Чăваш Республики) — акушер-гинеколог, сывлăх сыхлассине йĕркелекенĕ, РСФСР тава тивĕçлĕ тухтăрĕ^[1]

Николаев хушаматлă урăх çынсем çинчен Википедире статьясем пур.

Иван Николаевич Николаев
Çуралнă вăхăт:	1907, кăрлач, 16
Çуралнă вырăн:	Вăрманхĕрри ялĕ, Çĕрпӳ уесĕ (халĕ Чăваш Енĕн Тăвай районĕ)
Вилнĕ вăхăт:	1993, пуш, 31
Вилнĕ вырăн:	Шупашкар, Чăваш Республики
Альма-матер:	1-мĕш ММИ (1933)
Чыславсемпе парнесем

Ывăлĕ — Николаев Владимир Иванович, физик, МПУ тава тивĕçлĕ профессорĕ.

Биографи

1907 çулхи кăрлачăн 16-мĕшĕнче Çĕрпӳ уесĕнчи (халĕ Чăваш Енĕн Тăвай районĕ) Вăрманхĕрри ялĕнче çуралса ӳснĕ.

1929 çулта Канашри педагогика техникумĕнче вĕренсе тухнă. 1933 çулта Мускаври 1-мĕш медицина институтĕнче аслă пĕлӳ дипломне тивĕçнĕ.

1933–34 çулсенче Хĕрлĕ Çарта хĕсметре тăнă.

1934]–36 çулсенче çар хĕсметĕнчен тухсан, Чăваш АССР сывлăха сыхлакан халăх комиссариатĕнчи медицина пĕлĕвне илес уйрăмне ертсе пынă. 1936-39 çулсенче Чăваш Енри амăш-ачалăхне сыхлакан институтĕнче ординатор, 1939-41 çулсенче гинекологи уйрăмĕн директорĕ пулса ĕçленĕ.

1941-45 çулсенче Тăван Çĕршывăн Аслă вăрçине хутшăннă.

1946–48 çулсенче Чăваш АССР Сывлăха сыхлакан министерствăн амăш-ачалăхне сыхлакан методика центрне ертсе пынă.

1949-86 çулсенче Чăваш АССР Республикăн 1-мĕш № сыватмăшĕн клиникин гинекологи уйрăмне ертсе пынă.

Чыслани

• РСФСР тава тивĕçлĕ тухтăрĕ (1957)
• Ленин орденĕ
• Ĕçлĕх Хĕрлĕ Ялав орденĕ
• Тăван Çĕршыв вăрçин 1-мĕш степеньлĕ орденĕ (2)
• Хĕрлĕ Çăлтăр орденĕ
• медальсем
• Чăваш АССР Ĕçри Мухтавпа Паттăрлăхăн Хисеплĕ Кĕнекине кĕртнĕ (1967).

Литература