Abergynolwyn

Pentref bychan yng nghymuned Llanfihangel-y-Pennant, Gwynedd, Cymru, yw Abergynolwyn^[1][2] ( ynganiad ). Saif gerllaw Afon Dysynni. Ar un adeg yr oedd diwydiant llechi pwysig yn yr ardal yma, a sefydlwyd y pentref yn y 1860au ar gyfer gweithwyr yn Chwarel Bryn Eglwys gerllaw yn Nant Gwernol. Heddiw ffermio a thwristiaeth yw’r prif ddiwydiannau. Cynhelir eisteddfod flynyddol yno.

Abergynolwyn

Math	pentref
Daearyddiaeth
Sir	Gwynedd
Gwlad	Cymru
Cyfesurynnau	52.6447°N 3.9535°W
Cod OS	SH679070
Gwleidyddiaeth
AS/au Cymru	Mabon ap Gwynfor (Plaid Cymru)
AS/au y DU	Liz Saville Roberts (Plaid Cymru)
Statws treftadaeth	Henebion Cenedlaethol Cymru
Manylion
Ffeiliau perthnasol ar Comin

Gerllaw’r pentref mae Rheilffordd Talyllyn, Llyn Mwyngil, Castell y Bere ger pentref cyfagos Llanfihangel-y-Pennant a Chraig yr Aderyn lle mae bryngaer o Oes yr Haearn ac amrywiaeth o adar.

Cynrychiolir yr ardal hon yn Senedd Cymru gan Mabon ap Gwynfor (Plaid Cymru)^[3] ac yn Senedd y DU gan Liz Saville Roberts (Plaid Cymru).^[4]

Abergynolwyn

Tren yn Abergynolwyn tua 1885

Enwogion

• Dafydd Richards (1829-1897), a ddaeth yn enwog fel cerflunydd yn UDA
• Elwyn Roberts (1905-1988), Ysgrifennydd Cyffredinol cyntaf Plaid Cymru, hanesydd lleol

Gweler hefyd

• Eglwys y Santes Fair, Llyn Mwyngil (Talyllyn)

Llyfryddiaeth

• Caradog Jones, Braslun o hanes pentref Abergynolwyn a chwareli Bryneglwys (Abergynolwyn: Pwyllgor Amgueddfa'r Pentref, 1983)
• Elwyn Roberts, Wrth Odre Cadair Idris (Cyhoeddiadau Mei, 1989)