Elin Fflur
Cantores o Gymru From Wikipedia, the free encyclopedia
Remove ads
Cantores, cyfansoddwraig a chyflwynydd teledu o Gymru yw Elin Fflur Llewelyn Harvey a adnabyddir fel Elin Fflur (ganwyd 1984).[1]
 |
|
||||
| Yn cael trafferth gwrando ar y ffeil? Gweler Cymorth - sain. | |||||
Remove ads
Bywyd cynnar ac addysg
Magwyd Elin yn Llanfairpwll ar Ynys Môn.[2] Roedd ei mam Nest Llewelyn Jones yn prif ganwr gyda'r grŵp gwerin Bran ac enillodd cystadleuaeth Cân i Gymru yn 1978. Cychwynnodd Elin gymryd rhan mewn eisteddfodau lleol yn 3 oed lle'r oedd ei mam hefyd yn parhau i ganu mewn corau. Fe'i hysbrydolwyd gan rai o hoff artistiaid ei thad, fel Joni Mitchell, Leonard Cohen a'i hoff gantores Janis Ian.[3] Mae ei brawd Gwion Llŷr Llewelyn hefyd yn gerddor ac wedi bod yn ddrymiwr gyda Race Horses ac Yr Ods.
Mynychodd Ysgol David Hughes, Porthaethwy ac aeth ymlaen i astudio troseddeg ym Mhrifysgol Bangor.
Remove ads
Gyrfa
Roedd yn brif gantores y grŵp Carlotta ac aeth ymlaen i fod yn brif gantores gyda'r Moniars.[4]
Daeth i sylw'r cyhoedd ar ôl perfformio cân fuddugol Cân i Gymru ar S4C yn 2002, yn dilyn ei mam yn y gamp honno.[5]. Gadawodd y brifysgol ar ôl y flwyddyn gyntaf pan cafodd lwyddiant gyda'i gyrfa gerddorol a recordiodd ei halbwm unigol cyntaf, Dim Gair yn 2003.
Roedd yn un o'r Jonesus a dorrodd record y byd Jones Jones Jones am gasglu ynghyd y nifer fwyaf o bobl yn rhannu’r un cyfenw yn Stadiwm y Mileniwm yn 2006, gan fod yn un o 1,224 Jones a gymerodd ran.[6][7][8]
Yn 2012, fe ymunodd fel gohebydd a chyflwynwraig ar y rhaglen gylchgrawn Heno.[9] Cyflwynydd hi'r gystadleuaeth Cân i Gymru 2023.
Remove ads
Bywyd personol
Mae'n briod a Jason Harvey. Yn 2018 darlledwyd y rhaglen ddogfen Chdi, Fi ac IVF ar S4C, lle roedd y cwpl yn rhannu eu profiadau wrth geisio gael plentyn drwy driniaeth IVF.[10]
Disgograffi
Albymau
- Dim Gair, 2 Rhagfyr 2003, (Sain SCD 2403)
- Cysgodion, 1 Rhagfyr 2004, (Sain SCD 2475)
- Hafana, 7 Gorffennaf 2008 (Recordiau Grawnffrwyth GR0001)
- Y Goreuon, 29 Gorffennaf 2009 (Sain SCD 2614)
- Lleuad Llawn, 10 Tachwedd 2014 (Sain SCD 2711)
EP
Cyfeiriadau
Dolenni allanol
Wikiwand - on
Seamless Wikipedia browsing. On steroids.
Remove ads