Justin Trudeau

Gwleidydd o Ganada yw Justin Pierre James Trudeau (ganwyd 25 Rhagfyr 1971). Roedd yn arweinydd Plaid Ryddfrydol Canada rhwng 2013 a 2025. Daeth yn 23ain Prif Weinidog Canada yn 2015 wedi i'w blaid ennill yr Etholiad Cyffredinol. Ef oedd yr ail Brif Weinidog ieuengaf erioed yng Nghanada (wedi Joe Clark).^[1][2]

Y Gwir Anrhydeddus  Justin Trudeau
Trudeau yn 2023
23ain Brif Weinidog Canada
Deiliad
Cymryd y swydd 4 Tachwedd 2015
Teyrn	Elisabeth II Charles III
Rhagflaenydd	Stephen Harper
Geni	(1971-12-25) 25 Rhagfyr 1971 (53 oed) Ottawa, Ontario, Canada
Plaid wleidyddol	Rhyddfrydol
Priod	Sophie Grégoire
Plant	Xavier, Ella-Grace Margaret, ac Hadrien
Alma mater	Prifysgol McGill, Prifysgol British Columbia, a Prifysgol Montreal
Crefydd	Catholig

Fe'i ganed yn Ottawa, yn fab i'r cyn-Brif Weinidog Pierre Trudeau a'i wraig Margaret (née Sinclair).^[3]. Gwahanodd ei rieni yn 1977, pan oedd Justin yn bum mlwydd oed. Derbyniodd radd BAdd ym Mhrifysgol British Columbia yn 1998. Daeth i amlygrwydd am y tro cyntaf yn Hydref 2000 pan ddarllenodd deyrnged i'w dad yn ei angladd.

Ar 6 Ionawr 2025, cyhoeddodd ei fwriad i ymddiswyddo fel Prif Weinidog wedi 10 mlynedd yn y swydd. Roedd wedi profi cwymp yng nghefnogaeth y cyhoedd ynghyd a dadleuon o fewn ei blaid. Felly penderfynodd fod angen dewis arweinydd newydd i'r blaid cyn bod rhaid cynnal yr etholiad nesaf rhywbryd yn 2025.^[4][5]