Muhammad ibn Mūsā al-Khwārizmī

Mathemategydd, seryddwr a daearyddwr Persiaidd oedd Muhammad ibn Mūsā al-Khwārizmī, Arabeg: محمد بن موسى الخوارزمي, (tua 780 - tua 850). Cafodd ei eni yn ninas Khwarezm (Khiva yn Wsbecistan heddiw). Bu'n gweithio yn Baghdad am y rhan fwyaf o'i oes, ac ystyrir ef yn dad algebra. Ei waith ef, Rhifyddiaeth, a gyflwynodd y pwynt degol i'r gorllewin. Ysgrifennai yn Arabeg yn hytrach na Perseg. Cafodd ei waith ddylanwad mawr yn Ewrop trwy gyfieithiadau Lladin.

al-Khwārizmī ar stamp a gyhoeddwyd gan yr Undeb Sofietaidd yn 1983.

Muhammad ibn Mūsā al-Khwārizmī
Ganwyd	محمد بن موسى الخوارزمي  c. 780  Khwarazm, Unknown
Bu farw	c. 850  Baghdad, Unknown
Man preswyl	Baghdad
Galwedigaeth	mathemategydd, seryddwr, daearyddwr, athronydd, cyfieithydd, hanesydd
Cyflogwr	House of Wisdom
Adnabyddus am	Al-Jabr

Mewn daearyddiaeth, cyhoeddodd ei Kitāb ṣūrat al-Arḍ ("Llyfr ymddangosiad y ddaear") yn 833, fersiwn wedi ei ddiweddaru a'i gwblhau o Geographia yr ysgolhaig Groegaidd Ptolemi.