Acoroj

La Acoroj^[1] aŭ (malofte) Azoroj (portugale Açores [asoreŝ], do kompreneble ankaŭ titoleblaj Acoraj insuloj aŭ Acora insularo) estas insularo politike dependa de Portugalio meze de la norda Atlantiko, ĉirkaŭ 1 500 km for de Lisbono kaj 3 900 km for de Nordameriko. La insularo troviĝas disloke apud la paralelo kiu trapasas Lisbonon (39º, 43'/39º, 55' norde), loko kiu donas al ĝi moderan klimaton, kun iomete da sezona ŝanĝo dum la jaro. La naŭ insuloj kune havas areon da 2 355 km². Aparte, iliaj areoj varias de 747 km² (São Miguel) ĝis 17  km² (Corvo). La origino vulkana de la insuloj evidentiĝas pro la vulkanaj konusoj kaj krateroj. Pico [piko], vulkano 2 351 metrojn alta ĉe la samnoma insulo, estas la plej alta en la Acoroj.

Acoroj
Flago	Blazono
Estas aŭtonoma regiono de Portugalio, integrita transmara teritorio, subregiono de Portugalio, Eksteraj Regionoj (Eŭropa Unio) [+]
Lando	Portugalio
Akvejo	Atlantiko
Supermara alteco	2 351 m [+]
Ĉefurbo	Ponta Delgada
Plej alta punkto	Ponta do Pico [+]
Akvokolektejo	2 322 km² (232 200 ha) [+]
Areo	2 322 km² (232 200 ha) [+]
Loĝantaro	236 440 [+] (2021)
Denseco	101,83 loĝ./km² [+] [+]
Horzono	UTC-01:00, UTC±00:00 [+]
ISO 3166-2	PT-20
Acoroj (Tero)
Acoroj (Acoroj)
Acoroj
Vikimedia Komunejo:  Azores [+]
En TTT: Oficiala retejo [+]
v • d • r

Situo de la Acoroj

satelita foto

vulkano Pico

vulkano Pico el la maro

malnova mapo de la Acoroj el 1592

La naŭ insuloj dividiĝas laŭ tri grupoj:

• La grupo orienta: São Miguel kaj Santa Maria
• La grupo centra: Terceira, Graciosa, São Jorge, Pico, kaj Faial
• La grupo okcidenta: Flores kaj Corvo

Biogeografie la insularo apartenas al la palearkta ekozono laŭ la tipologio de la Monda Natur-Fonduso (WWF). Ĝi entenas ekoregionon nomatan : Acoraj mezvarmaj miksaj arbaroj, el la biomo de la mezvarmaj foliaj kaj miksaj arbaroj. La insularo situas ankaŭ en mara ekoregiono.

El la Acoroj, la Acora Anticiklono influas la veteron de Okcidenta Europo.

Homa geografio

La ĉefurbo estas Ponta Delgada; alia grava urbo estas Horta.

La Universitato de Acoroj (portugale Universidade dos Açores) estas la ununura universitato sur la insularo Acoroj kaj la plej okcidenta universitato en la lando.

Kuriozaĵo

La Acoroj estas bildigitaj sur la dorsa flanko de la eŭro-biletoj: Ili estas la punktetoj super la dekstra parto de la bileta numero.

La nomo en la portugala lingvo signifas akcipitrojn. Fakte tio estas eraro de la malkovrintoj ĉar ili ne vidis akcipitrojn sed buteojn (B. b. rothschildi) kiam ili venis al la insularo.