Kardeloj

La genro Carduelis^[1] estas granda grupo de birdoj de la familio de Fringedoj. Ĝi inkludas la subgrupojn de la verdaj fringoj, flamkardeloj, propraj kardeloj, Kanaba kardelo, Flavbeka kardelo kaj la neafrikaj siskinoj. Neniu specio de tiu grupo havas teritoriojn en interno de Afriko (kie ili estas anstataŭataj de la rilata genro Serinus), kaj la centroj de la evoluo estis probable Eŭrazio kaj Nordameriko, kun duaranga radiaĵo en la Novtropikoj.

Kiel legi la taksonomion Kardeloj
La Eŭropa kardelo apartenas al grupo de ruĝ- aŭ flav-vizaĝuloj
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Fringedoj Fringillidae Genro: Carduelis
Aliaj Vikimediaj projektoj
Sistematiko en Vikispecioj
Komunejo pri Kardeloj
v • d • r

Sistematiko

La interrilataro de tiuj specioj estas komplika kaj polemikiga. Preskaŭ certas ke la krucbekuloj devenis fakte el prauloj de flamkardeloj tre ĵuse, kaj oni sugestis, ke ili estu lokitaj en la saman genron, por kiuj la nomo Loxia havu prioritaton. Aliflanke la verdaj kardeloj (kiuj estas ŝajne la plej distinga grupo) kaj la flamkardeloj estis metataj en apartajn genrojn, kio povus esti la plej taŭga sistemo esprimi kaj la faktan evoluan rilataron kaj la evolue signifan distingon de la krucbekuloj. La molekulaj datumoj indikas, ke la plej grandaj stirpoj disiĝis fine de la Mioceno (Tortoniano, antaŭ ĉirkaŭ 9-7 milionoj da jaroj), sed tio ne povas sugesti iun ajn fortikan taksonomian aranĝon, ĉu de la grandaj grupoj, ĉu inter la stirpoj de Carduelis sensu stricto (kardeloj en la malvasta senco), aŭ eĉ inter du apartaj stirpoj de Serinus (Ryan et al., 2004).

Ĉi tie, la specioj de Carduelis sensu lato estas listataj laŭ la nuna kono. La genro Carduelis sensu stricto povus esti poste disigata kaj tiam nur la Eŭropa kardelo kaj la Citronkardelo kaj la Korsika kardelo (denove lokataj en tiu genro) restus en Carduelis.

Verdaj kardeloj

(Sub)Genro Chloris

• Nigrakapa fringo, Carduelis ambigua
• Verda fringo, Carduelis chloris
• Ĉina fringo, Carduelis sinica
• Vjetnama fringo, Carduelis monguilloti
• Flavbrusta fringo, Carduelis spinoides
• La Dezerta fringo, Carduelis obsoleta, ĵus revenis al sia komenca formo en tiu grupo (Zamora et al., 2006).

Flamkardeloj

(Sub)Genro Acanthis

• Arkta flamkardelo, Carduelis hornemanni
• Flamkardelo, Carduelis flammea
• Malgranda flamkardelo, Carduelis cabaret

Krucbekuloj

(Sub)Genro Loxia

La taksonomio de Loxia estas komplika, kaj la (sub)genro povus konsisti ĉu el tri specioj aŭ eble dekduoj. La subaj specioj estas nur tiuj almenaŭ provizore akceptataj de plej parto de fakuloj.

• Granda krucbekulo, Loxia pytyopsittacus
• Skota krucbekulo, Loxia scotica
• Malgranda krucbekulo aŭ Ruĝa krucbekulo, Loxia curvirostra
• Rubanda krucbekulo aŭ Blankaflugila krucbekulo, Loxia leucoptera
• Hispaniola krucbekulo, Loxia megaplaga

Carduelis sensu stricto

grupo Carduelis

• Eŭropa kardelo, Carduelis carduelis
• Citronkardelo, Carduelis citrinella - iam Serinus citrinellus
• Korsika kardelo, Carduelis corsicana - iam Serinus corsicanus

grupo Linaria – Kanaba kardelo kaj Flavbeka kardelo

• Kanaba kardelo, Carduelis cannabina
• Somalia kardelo, Carduelis johannis
• Jemena kardelo, Carduelis yemenensis
• Flavbeka kardelo, Carduelis flavirostris

grupo Spinus – Amerikaj kardeloj kaj siskinoj

Amerikaj kardeloj

• Amerika kardelo, Carduelis tristis
• Malgranda kardelo, Carduelis psaltria
• Laŭrenca kardelo, Carduelis lawrencei

Nordaj siskinoj

• Verda kardelo, Carduelis spinus
• Pinkardelo, Carduelis pinus
• Nigrakrona kardelo, Carduelis atriceps
• Dominga kardelo, Carduelis dominicensis

Novtropikaj kardeloj

• Anda kardelo, Carduelis spinescens
• Nigra kardelo, Carduelis atrata
• Nigramentona kardelo, Carduelis barbata
• Nigrakapa kardelo, Carduelis notata
• Kapuĉa kardelo, Carduelis magellanica
  • Sanktakruca kardelo, Carduelis (magellanica) santaecrucis
• Olivkardelo, Carduelis olivacea
• Ruĝa kardelo, Carduelis cucullata
• Safrankardelo, Carduelis siemiradzkii
• Dikbeka kardelo, Carduelis crassirostris
• Flavventra kardelo, Carduelis xanthogastra
• Flavvizaĝa kardelo, Carduelis yarrellii
• Flavpuga kardelo, Carduelis uropygialis

Fosilia specio

• Tríasa kardelo, Carduelis triasi - Holoceno de La Palma, Kanariaj Insuloj, Hispanio.

Eblaj specioj de Carduelis

Tiuj specioj povus esti rilataj al diversaj grupoj aŭ subgenroj nune klasitaj kiel membroj de Carduelis sed ili ne estis ankoraŭ studataj biokemie:

• Montoserino, Serinus estherae – (malklara rilato).
• Tibeta serino, Serinus thibetanus - (foje Tibeta siskino, Carduelis thibetana estas uzata ĉe Grimmett et al. 1999).
• Ankobera serino, Serinus ankoberensis - (Carduelis ankoberensis ĉe listo de African Bird Club).
• la Orflugilaj dikbekuloj, Rhynchostruthus sp. - (rilato kun Carduelis studata ĉe Fry et al. 2004 kaj Martins 1987)

Lastatempaj taksonomiaj ŝanĝoj

La 18an de decembro, 2009, la Laboratorio Cornell de Ornitologio, laŭ sia fakuleco kiel zorganto de la Listo Clement, faris la jenan aserton: "Laŭ NACC ĉi tie ni disigas la genron Carduelis en kvar genrojn: Carduelis (Kanaba kardelo kaj Flavbeka kardelo), Spinus (siskinoj), Acanthis (flamkardeloj), kaj Chloris (verdaj fringoj). Similaj revizioj necesas pri Carpodacus kaj Serinus, sed ni prokrastas tiajn ŝanĝojn ĝis posta dato."^[2]. Tio sekvas similan ŝanĝon kiu estis publikita en la 50a suplemento de la Listo AOU Checklist of American Birds, "La subgenroj Acanthis kaj Spinus estas altigitaj al genroj, kaj la genro Chloris estas disigita el la genro Carduelis."^[3]