DBm

dBm aŭ dBmW (decibelo-milivato) estas mezurunuo de povumnivelo esprimita per dekbaza logaritma decibela (dB) skalo rilate al unu milivato (mW). Ĝi estas ofte uzata de teĥnikistoj kaj inĝenieroj pri radiofonio, mikroondilo kaj optika fibra komunikado por mezuri la povumon de telekomunikadaj sistemoj laŭ logaritma skalo, kiu povas esprimi kaj tre grandajn kaj tre malgrandajn valorojn en mallonga formo. dBW estas simila unuo mezurata rilate al unu vato (1000 mW) anstataŭ milivato. La decibelo (dB) estas sendimensia unuo, uzata por kvantigi la proporcion inter du valoroj, kiel ekzemple la signalo-bruo-proporcio. La dBm ankaŭ estas sendimensia,^[1][2], ĉar ĝi kompareblas al fiksa referenca valoro la dBm-kvanto estas absoluta.

Ĉi tiu artikolo temas pri mezurunuo. Por aliaj signifoj vidu la artikolon DBM.

La dBm ne estas parto de la Internacia Sistemo de Unuoj (SI) kaj tial estas malrekomendita de uzo en dokumentoj aŭ sistemoj, kiuj aliĝas al SI-unuoj (la responda SI-unuo estas la «vato»). Tamen, la unuo «decibelo» (dB) por relativaj kvantoj, sen iu ajn sufikso estas Ne-SI unuoj akceptitaj por uzado kun SI, kiu estas akceptita por uzo kune kun SI-unuoj. La nivelo de povumo P relative al unu milivato estas skribita L_P/(1 mW) konforme al SI.^[3] por konformiĝi al la SI^[4].

En akustiko kaj telefonio, dBm estas tipe referencita relative al la 600-oma impedanco^[5] ofte uzata en telefonaj voĉretoj, dum en radiofrekvenca domajno dBm estas tipe referencita relative al 50-oma impedanco^[6].

Konverto de unuoj

Povumnivelo je 0 dBm respondas al povumo je 1 milivato. Pliiĝo de nivelo de 10 dB estas ekvivalenta al dekobla pliiĝo de povumo. Tial, pliiĝo de nivelo de 20 dB estas ekvivalenta al 100-obla pliiĝo de povumo. 3 dB-pliiĝo de nivelo estas proksimume ekvivalenta al duobligo de la povumo, kio signifas, ke nivelo de 3 dBm respondas proksimume al povumo de 2 mW, pro la fakto ke log₁₀ 2 = 0,30103. Simile, por ĉiu 3 dB-malkresko de nivelo, la potenco estas reduktita je proksimume duono, farante ke −3 dBm respondas al povumo de proksimume 0,5 mW.

$${\displaystyle {\begin{aligned}x&=10\log _{10}{\frac {P}{1~{\text{mW}}}}\end{aligned}}}$$ Por esprimi arbitran povumon P en mW al x en dBm, la jena esprimo povas esti uzata:^[7] $${\displaystyle {\begin{aligned}x&=10\log _{10}{\frac {P}{1~{\text{mW}}}}\end{aligned}}}$$

Inverse, por esprimi arbitran povumnivelon x en dBm al P en mW: $${\displaystyle {\begin{aligned}P&=1~{\text{mW}}\cdot 10^{{x}/{10}}\end{aligned}}}$$

Ekzemploj

Konsideru ni tipan sendratan Wi-Fi-transsendopovumo pri tekokomputiloj. La interŝangha povumo estas P = 32 mW. Sekvas ke la povumnivelo esprimata en decibelon estas : L_P/(1 mW) = 10.log₁₀ 32/1 = 10.log₁₀ 2⁵ = 50.log₁₀ 2 ≈ 15 dBm.

Aliaj valoroj trovighas en la suba tabelo.

Povumo (dBm)	Povumo (W)	Notoj
80 dBm	100 kW	Tipa dissendopovumo de FM-radiostacio kun 50-kilometra disvastigo.
60 dBm	1 kW = 1000 W	Tipa RF-radiado de mikroondilo. Maksimuma RF-eliga povumo permesita kun rajtigo por radioamatoraj stacioj .
50 dBm	100 W	Tipa totala varmoradiado elsendita de homa korpo (pinto je 31,5 THz). Tipa RF-eliga povumo por radioamatoraj stacioj.
40 dBm	10 W	Povumo de tipa transmisio per elektroreta komunikado (PLC).
33 dBm	2,0 W	Maksimuma elira povumo per poŝtelefono UMTS (3G) (telefono klaso 1). Maksimuma elira povumo per poŝtelefono GSM850/900.
30 dBm	1,0 W = 1000 mW	Tipa RF-elfluado de mikroondilo. Maksimuma eliga povumo pri GSM 1800/1900 poŝtelefono
27 dBm	500 mW	Tipa poŝtelefona dissenda povumo de poŝtelefono. Maksimuma elira povumo per poŝtelefono UMTS (3G) (telefono klaso 2).
24 dBm	250 mW	Maksimuma elira povumo per poŝtelefono UMTS (3G) (telefono klaso 3).
21 dBm	125 mW	Maksimuma elira povumo per poŝtelefono UMTS (3G) (telefono klaso 4).
20 dBm	100 mW	Bludento (klaso 1), 100 m atingodistanco (maksimuma eliga povumo por FM-transsendilo). Tipa povumo de sendrata enkursigilo (Wi-Fi).
15 dBm	32 mW	Tipa sendrata LAN-dissenda povumo de tekokomputiloj.
4 dBm	2,5 mW	Bludento (klaso 2), kun 10 m atingopovo.
3 dBm	2,0 mW	La preciza valoro estas 1,9952623 mW.
0 dBm	1,0 mW = 1000 µW	Bludento (klaso 3), kun 1 m atingopovo.
-3 dBm	La preciza valoro estas 501 µW.
-10 dBm	100 µW	Tipe la maksimuma povumo, kiu povas esti ricevita en sendrata reto (−10 ĝis −30 dBm).
-30 dBm	1,0 µW = 1000 nW