Demo

Demo^[1] estas muzike popola aŭ teknika slanga, neformala mallongigo de demonstro (fakte demonstra vid- aŭ sonbendo, gramofon-, lumdisko aŭ lumdiskego aŭ malnove muzikkasedo). Ĝi estas skiza prezento de artista muzikverko, ofte destinita al produktisto aŭ muzikeldonejo. La ricevinto tiam povas prijuĝi la stilon, la kvaliton, kaj eventuale konsili kaj plibonigi la version kun la kreintoj. Demonstra kanzono, male al albuma kanzono, emas esti nerafinita ĉar farita tre rapide. Kelkfoje eblas aŭdi flustrojn kaj ceterajn fonsonojn. Se fine la "demo" estas akceptita, la artisto eventuale registras ĝin unufoje plu, kun pli da rafineco. Kaze de cenzuro, la artisto devas nuligi la ŝokantan parton.