Enmigrado en Hispanio

La Enmigrado en Hispanio ĉiam ekzistis, sed ekde la 1990-aj jaroj, estis fenomeno de granda gravo demografia kaj ekonomia. Laŭ la oficiala censo de 2009, 12 % de la populacio de Hispanio estas de eksterlanda nacieco.

Eksterlanda populacio en Hispanio[1]
Jaro	Eksterlandanoj censitaj	% totalo
1981	198.042	0,52%
1986	241.971	0,63%
1991	360.655	0,91%
1996	542.314	1,37%
1998	637.085	1,60%
2000	923.879	2,28%
2001	1.370.657	3,33%
2002	1.977.946	4,73%
2003	2.664.168	6,24%
2004	3.034.326	7,02%
2005	3.730.610	8,46%
2006	4.144.166	9,27%
2007	4.519.554	10,0%
2008	5.220.600	11,3%
2009	5.598.691	12,0%
2010	5.708.940	12,2%

Dum la tuta 20-a jarcento, sed ĉefe dum la 1960-aj jaroj Hispanio estis lando de klara elmigrado, unue al Sudameriko kaj dum la dua duono de la jarcento al Okcidenta Eŭropo. Ĉe la demokratia transiro (1970-aj jaroj) la loĝantaro ekrestis kaj la populacio reprenis ekvilibron ĝis la 1990-aj jaroj kiam la fenomeno invertiĝis kaj la lando ekkomecis akcepti grandajn kvantojn de enmigrintoj de tre diversa deveno.

Aktuale la indico de enmigrado estas nur de 0,99 %, kaj okupas la 15-an rangon ene de la Eŭropa Unio.^[2] Hispanio estas krome la naŭ alndo kun plej alta procentaĝo de enmigrintoj ene de tiu, sub landoj kiaj Luksemburgo, Irlando, Aŭstrio aŭ Germanio.^[3]

Hispanio estas krome la deka lando de la mondo kiu plejaj enmigrantoj posedas en absoluta kvanto, malantaŭ Usono, Rusio, Germanio, Ukrainio, Francio, Kanado aŭ Britio.^[4] Post kvin jaroj, la eksterlanda populacio kvarobliĝis, ĉar venis al la lando preskaŭ tri milionoj de novaj loĝantoj.