Milvus

Milvus estas genro de mezgrandaj rabobirdoj kiu apartenas al la familio akcipitredoj. Ĝi estas malnovmonda grupo konsista el 2 specioj kiuj formas parton de la subfamilio milvenoj. Ĉiuj birdoj el milvenoj havas la esperantan genran nomon milvo^[1],[2], sed tiuj de la genro Milvus estas la veraj milvoj.

Kiel legi la taksonomion Milvus
Nigra milvo, Milvus migrans migrans
Biologia klasado
Regno: Animalia - animaloj Filumo: Chordata - ĥorduloj Klaso: Aves - birdoj Ordo: Accipitriformes - akcipitroformaj Familio: Accipitridae - akcipitredoj Genro: Milvus - milvo de Lacépède, BGE, 1799
Specioj
2 specioj, vidu tekston.
Aliaj Vikimediaj projektoj
Sistematiko en Vikispecioj
Komunejo pri Milvus
v • d • r

Taksonomio

Laŭ AviList^[3], jen ĉi-sube la listo de la akceptitaj taksonoj por tiu genro, kaj ties Esperantaj nomoj^[2]:

• Accipitriformes - akcipitroformaj
  • Accipitridae - akcipitredoj
    • Milvus de Lacépède, BGE, 1799 - milvo
      • Milvus milvus (Linnaeus, C, 1758) - rufa milvo
        • Milvus milvus milvus (Linnaeus, C, 1758)
        • Milvus milvus fasciicauda Hartert, EJO, 1914 - Kaboverda milvo (formortinta de 2000)
      • Milvus migrans (Boddaert, P, 1783) - nigra milvo
        • Milvus migrans migrans (Boddaert, P, 1783)
        • Milvus migrans aegyptius (Gmelin, JF, 1788) - flavbeka milvo
        • Milvus migrans parasitus (Daudin, FM, 1800)
        • Milvus migrans lineatus (Gray, JE, 1831) - nigrorela milvo
        • Milvus migrans govinda Sykes, WH, 1832
        • Milvus migrans formosanus Kuroda, Nm, 1920
        • Milvus migrans affinis Gould, J, 1838

Aspekto

Ĉiuj tiuj taksonoj estas birdoj kun grandaj flugiloj (kiuj ŝvebas ege ofte faciligante identigon) kaj forkoformaj vostoj.

Informoj pri alozimo indikas ke la genetika diverseco kaj ĉe la nigra kaj la rufa milvoj estas malalta (Schreiber et al. 2000). Sukcesa hibridiĝo inter la milvoj de Milvus estas tre komuna, pro kio la analizoj pere de DNA malfacile solvas la genran filogenetikon. Krome ne estas bona korelacio inter molekulaj karakteroj kaj biogeografio kaj morfologio ĉe la rufa milvo pro tre nekompleta koalescenco.

La flavbeka milvo estas ŝajne certa specio, kiel indikas la filogenetiko per DNA kiu montras du subtenatajn kladojn (Johnson et al. 2005), la biogeografio kaj la morfologio. La nigrorela milvo estas iome distinga morfologie, sed ĝi estas pli bone konsiderata subspecio bone markata per parapatrio. La statuso de la Kaboverda milvo estas dubinda; ĝi ne estas komplete monofiletika stirpo laŭ informoj per DNA (Johnson et al. 2005), kaj ĝi estas ankoraŭ konsiderata distinga specio. Tamen pri ties statuso, tiu populacio estas formortinta.

Prahistoria milvo el komenca Pleistoceno (antaŭ 1.8 milionoj – 780,000 jaroj) de la kuŝejoj de Ubeidija (Israelo) estis priskribata kiel Milvus pygmaeus.