Muldado

Muldado estas la procezo fabrikadi per verŝado de likvido aŭ faldebla kruda materialo uzante rigidan kadron nome muldilo aŭ matrico. Tiu povas esti farita uzante modelon de la fina produkto.

Duono de bronza muldilo por gisado de glavo datita de la periodo 1400-1000 a.K. Ne estas konataj paraleloj por tiu muldilo.

Laŭ Francisko Azorín muldi estas Reprodukti plastikan figuron per adekvata matrico (muldujo).^[1] Li indikas etimologion el la latina modulus (formil). Kaj li aldonas la terminojn muldo, muldado, muldaĵo, muldilo, muldisto, enmuldigi, elmuldigi.^[2]

Muldilo estas kava bloko kiu estas plenigata el likvido aŭ faldebla materialo kia plasto, vitro, metalo, aŭ ceramiko. La likvido solidiĝas kaj plifortiĝas ene de la muldilo, adoptante ties internan formon.

Historie tiu procezo ludis gravan rolon en la apero de la Bronzepoko kaj de la Ferepoko.

Vidu ankaŭ

• Vaksoperda gisado
• Gisado
• Sablogisado