Trixini

Trixini (artista nomo de Hansjörg Kindler, naskita la 3-an de septembro 1933 en Villingen, mortinta la 22-an de aŭgusto 2015 en Kempten) estis konata germana magiisto, pupludisto, pastro kaj esperantisto. Ĝis sia morto li vivis en la algovia komunumo Rieden am Forggensee.

Hansjörg Kindler
Persona informo
Aliaj nomoj	Trixini
Naskiĝo	3-a de septembro 1933 en Villingen
Morto	22-a de aŭgusto 2015 en Kempten
Lingvoj	Esperanto • germana
Nacieco	germano
Ŝtataneco	Germanio
Subskribo
Okupo
Okupo	esperantisto (1975–) verkisto scena magiisto pupteatristo teologo
Esperanto
Esperantistiĝis en	1975
v • d • r

En 1975 Trixini komencis aktivi en la Esperanto-movado. Kiel romkatolika pastro, li aktivis en IKUE, ekzemple kiel organizanto de la IKUE-Kongreso en 1979 en Luksemburgo. Ĉirkaŭ la jaro 1980 li transiris al la Prakatolika Eklezio kaj edziĝis. Li ofte magiis en Esperanto-aranĝoj, i.a. en pluraj Universalaj Kongresoj, kaj multe instruis Esperanton.

Listo de verkoj

• Wegweiser zum Handpuppenspiel, 1953 (en la germana)
• Der Magier mit dem Blauen Stein - Erlebnisse eines Zauberkünstlers, 1978 (en la germana, pri travivaĵoj de magiisto)
• Munjo, 2001 (rakonto en Esperanto, pri 5-jara knabino)
• Die Ökumenischen Hunde - Rosinen aus dem Pfarrarchiv, 320 p., ISBN 978-3-941013-01-8, 2008 (rememoroj, en la germana)

Eksteraj ligiloj

• Libroj kaj aliaj dokumentoj de kaj pri Trixini en la Kolekto por Planlingvoj kaj Esperantomuzeo de la Aŭstria Nacia Biblioteko (germane)
• Nekrologo ĉe Kreisbote, 27.8.2015 (kun foto)