Artisto por Paco de Unesko

Artisto por Paco de UNESKO estas honora titolo, kiun la Unuiĝintaj Nacioj por Eduka, Scienca kaj Kultura Organizo (Unesko) donas al homoj kun kreivaj profesioj (artistoj, aktoroj, muzikistoj, ktp.) kies profesia agado grave kontribuas al la plifortigo de kulturaj kaj kreaj ligoj inter popoloj kaj ŝtatoj en la mondo. La oficiala dokumento diras, ke la titolo "Artisto por Paco" estas donita "pro ies kontribuo atentigi la publikon pri la problemoj de paco, justeco, toleremo, pri la situacio de infanoj en malfacilaj situacioj, pri la batalo kontraŭ analfabeteco kaj konservado de la medio." La titolo estis kreita en 1995 kaj samjare la unuaj artistoj ricevis la titolon de Artisto por Paco.

Ĉi tiu titolo povas esti donita kaj al individuoj kaj al ĉiuj kreivaj teamoj kiel ekzemple la orkestro de handikapitoj el Germanio Brenz Band (de) (dum 2005-2006) pro ties engaĝiĝo kreskigi publikan konscion pri muziko kiel forto por dialogo inter popoloj, kulturoj kaj komunumoj.

Premiitoj (elekto)

Inter tiuj premiitaj de ĉi tiu titolo estis:

• (1999) Georges Moustaki, franca kantisto
• (1999) Gilberto Gil, brazila etnomuzika interpretisto
• (1999) Céline Dion, kanada kantistino
• (2000) Gong Li^[1], ĉina aktorino
• (2000) Shirley Bassey^[2], kimra kantistino
• (2003) Patricia Velásquez, venzuela aktorino kaj modelino
• (2003) Valerij Gergiev, rusa dirigento
• (2004) Manu Dibango, kameruna muzikisto kaj kantoverkisto
• (2008) Franghiz Ali-Zadeh, azerbajĝana muzikisto kaj komponistino
• (2009) Paul Ahyi, benino-toglanda pentristo, skulptisto, arkitekto, dezajnisto kaj verkisto.
• (2010) Márta Sebestyén, hungara kantistino de popolkantoj
• (2010) Zoha Hadid, irako-brita arkitekto
• (2011) Alsou Abramova^[3], rusa aktorino kaj popmuzika kantistino
• (2012) Sarah Brightman, angla sopranistino, aktorino kaj dancistino
• (2012) Danilo Pérez^[4], panama ĵazpianisto kaj komponisto.
• (2016) Allem Mosteghanemi, alĝeria verkistino
• (2017) Magaly Solier Romero, perua kantistino kaj aktorino