Alexandro VII.a aita santuaren hilobia
From Wikipedia, the free encyclopedia
Alexandro VII.a Aita Santuaren hilobia Gian Lonrezo Bernini artista italiarrak diseinatu eta partzialki egindako eskultura-monumentu bat da. Vatikanoko San Pedro basilikaren hegoaldeko gurutzean dago. Lan hau Alexandro VII.a Aita Santuak berak enkargatu zuen, baina onumentuaren eraikuntza ez zen 1671ra arte hasi eta 1678ra arte ez zen amaitu, Aita Santua hil eta hamaika urtera [1] Berninik hartutako azken eskultura-enkargua izan zen, 81 urte zituela 1680an hil aurretik,
| Alexandro VII.a aita santuaren hilobia | |
|---|---|
.jpg) | |
| Jatorria | |
| Sortzailea(k) | Gian Lorenzo Bernini |
| Sorrera-urtea | 1670(e)ko hamarkada |
| Mugimendua | Baroque sculpture (en)  |
| Ezaugarriak | |
| Materiala(k) | haitzurdina eta brontzea |
| Genero artistikoa | funerary sculpture (en) |
| Deskribapena | |
| Kokapena | |
| Lekua | San Petri basilika |
| Koordenatuak | 41°54′N 12°27′E |
 | |
Bere pontifikatuaren hasieran, Alexandrok bazekien hilobi monumental bat beharko zuela bere agintea betikotzeko. ; bere aurreko batzuek bezala, Berninirentzako enkargua 1656ko abuztuaren 9a aipatzen da estreinakoz[1] [2] . Alexandro hil ondoren, proiektua bere iloba Flavio Chigi kardinalak egin eta ordaindu zuen [3] . Klemente IX.a Aita Santuaren garaian, hasieran Santa Maria Nagusiaren basilikako koruan jarri behar zen hilobia . Klemente hil ondoren, ideia alde batera utzita, hilobia berriro San Pedro basilikan jartzea erabaki zen. Hilobia hegoaldeko gurutzadurako ate bat duen nitxo batean kokatu behar zen. Bernini trebeki sartzen ditu Heriotza eta marmolezko estalkia atearen markoaren gainean doi-doi mugi ez dadin [4] [5] .
Monumentua Bernini eta bere laguntzaileen arteko lankidetza da, artistaren zaintza estuan egin baitzuten obra gehiena [5] Kolaboratzaile hauek G. Mazzuoli, L. Morelli, G. Cartari, M. Maglia eta L. Balestri [6] [4] izan ziren. Berninik berak ziurrenik aita santuaren estatuan lan egin zuen. Bere erretratuen eskulturengatik ezaguna, ziurrenik Alexandroren aurpegiari azken ukituak eman zizkion.
Monumentuan sei pertsonaia garrantzitsu daude zizelkatuta. Goialdean, Alexandrok belauniko otoitz egiten du. Haren azpian lau emakume estatua daude Pontifizearen bertuteak irudikatzen dituztenak. Lehen planoan, Karitatea, haur bat besoetan duela. Bere eskuinaldean Egia dago, zeinaren oina globo batean pausatzen da, zehazki Ingalaterraren gainean, non Alexandro Aita Santuak anglikanismoaren hazkundea kontrolatu nahi izan zuen. Bigarren mailan, Zuhurtzia eta Justizia daude. Estatua hauek marmol zurian zizelkatuta daude.
Kontraste eginez, Alexandroren azpian, Heriotza irudikatzen duen irudia brontzez urreztatuta ageri da, Siziliako jaspez egindako draperian inguratuta [6] Heriotza azpiratua agertzen da, baina esku eskeletikoa alxatzen, denbora igarotzearen sinbolo gisa klepsidra edo ur-erlojua ageri da bere eskuabn. Hori aldi berean memento mori esanaren sinbolo den, latinez, "gogoratu hilko zarela ".
Oina beltza da, Aita Santuaren doluaren seinale. Siziliako jaspe ilunaren draperik zabal eta zabalak marmolezko irudi zuriekin kontrastea nabarmena du. Berninik, material-masa handia behar zuenean, eraikin zaharretatik nahikoa marmol berreskuratu ezinik, marmol modernoa lantzea aukeratu zuen. Gero, Siziliako jaspe gorrira jo zuen, tonu gorrietan aberatsa, tonu berdez inkrustatuta.
Alexandro VII.aren hilobiaren alboko bista
Alexandro VII.aren hilobiaren xehetasuna
Egiaren figura, Lazzaro Morelli eta Giulio Catarik zizelkatua
Jaspe gorriaren behean azpiratuta, Heriotzak klepsidra altxatzen du eskuarekin, denboraren iragatearen sinbolo.
Egiaren oina Ingalaterra anglikanoa zapaltzen.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
