Eider Mendoza
Gipuzkoako diputatu nagusia / From Wikipedia, the free encyclopedia
Eider Mendoza Larrañaga (Azpeitia, Gipuzkoa, 1974ko apirilaren 16a) gipuzkoar ekonomialari eta politikari jelkidea da, 2023ko ekainetik aurrera Gipuzkoako diputatu nagusia. Kargu hori betetzen duen lehen emakumea da. Enpresa Zientzietan lizentziatua, 2001 eta 2011 bitartean EAJko eusko legebiltzarkidea izan zen, VII., VIII. eta IX. legealdietan. 2011 eta 2019 bitartean Gipuzkoako Batzar Nagusietako batzarkidea izan zen; aurrena bertako lehendakariordea izan zen, eta 2015-2019 legealdian Batzar Nagusietako lehendakari izendatu zuten.[1] 2019az geroztik Gipuzkoako Foru Aldundiko bozeramailea eta gobernantza diputatua izan zen. 2020ko azarotik aurrera Gipuzkoako diputatu nagusiordea ere izan zen. 2023ko foru hauteskundeetan EAJren Gipuzkoako diputatu nagusirako hautagaia izan zen, eta 2023ko ekainean diputatu nagusi izendatu zuten.
EAJren Hondarribiko uri buru batzarreko kidea da, eta EGIko erki batzordeko kidea izandakoa da. Bere jardun politikoaz gain EITBko zenbait saiotako (Mezularia, Faktoria, Debatea, Egun on Euskadi) tertuliakidea eta Kutxako batzarreko kidea izandakoa da, baita idatzizko prentsako kolaboratzailea ere.