cover image

Emakume

From Wikipedia, the free encyclopedia

Emakumea edo, Ipar Euskal Herrian, emaztea gizaki emea da. Bereziki emea heldua denean erabiltzen da terminoa[1] eta neska izaten da haurtzaro eta nerabezaroan erabiltzen den izena. Hala ere batzuetan emakume izenarekin gizaki eme guztiak izendatzeko erabiltzen da, adibidez Emakumeen eskubideak esaten denean, edo Emakumearen Nazioarteko Eguna, martxoaren 8a. Emakumeari dagokiona femeninoa dela esaten da. Emakumearen ezaugarrien multzoari, berriz, feminitate deritzo.

Normalean, emakumeek X kromosoma pare bat heredatzen dute, guraso bakoitzarengandik bat, eta haurdunaldirako eta erditzeko gai dira. Emakume transak jaiotzean gizonezko generoa esleitu dioten emakumeak dira, eta emakume intersexualek, berriz, emakumeen biologiaren ohiko nozioekin bat ez datozen sexu-ezaugarriak izan ditzakete.