Erdialdea (Arrasate)
From Wikipedia, the free encyclopedia
Erdialdea Arrasateko (Gipuzkoa) auzoa da, hirigune historikoa osatzen duena. Erdi Aroan harresi batek inguratzen zuen udalerria osatzen zuen gune hau, gaur egun ere aztarnak mantentzen dituena. Hiru ate mantentzen dira, besteak beste, gune honetarako sarrera daukatenak: Portaloia (sarrera nagusia), Iturriotz atea eta Zurgin kantoiko atea.
| Alde Zaharra | |
|---|---|
 Euskal Herria | |
 Arrasateko Portaloia, hirigunerako sarrera erakusten duena. | |
 | |
| Kokapena | |
| Herrialdea |  Gipuzkoa |
| Udalerria | Arrasate |
| Administrazioa | |
| Geografia | |
| Koordenatuak | 43°03′56″N 2°29′26″W |
Antzina, Arrasateko hiribildua harresi batek inguratzen zuen eta ondorioz gaur egungo Alde Zaharrak oinplano obalatua dauka, Erdi Aroko hiribildua baita. Hiribilduaren barnealdera sartzeko bost ate zeuden baina gaur egun horietako hiru kontserbatu dira: Portaloiko atea, Zurgin kantoiko atea, zaharrena, eta Kontzesinoko edo Iturriotz atea. Hauek gauero itxi eta goizero zabaltzen ziren eta sute kasuan itxi egiten zituzten, bertako biztanleriak sua itzaltzen lagundu zezan.
Hiru dira hasiera-hasieratik Arrasateko erdigunea osatzen duten kaleak: Iturriotz, Erdiko kalea eta Ferrerias. Hauez gain, hiru kantoi ere badaude, kale hauek zeharkatzen dituztenak: Zurgin kantoia, Olarte kantoia eta Kanpatorpea kantoia.
Bertan, gainera, herriko plaza ere badago, Iturriotz eta Erdiko kalearen artean kokatuta dagoena eta herriko udaletxea eta Joan Bataiatzailea deunaren parrokia alboetara dituena. Plaza honetan egiten dira herriko ospakizun nagusienak, errementari dantza tartean.
- Andikano-Loiola jauregia
- Arrasateko herriko plaza
- Arrasateko udaletxea
- Bañez Artazubiaga jauregia
- Monterron jauregia
- Okendo jauregia (Barrutia-Mendi)
- San Joan Bataiatzailearen eliza
- San Frantzisko eliza eta komentua
Ateak
Arrasateko erdigunea inguratzen duen harresiak bost ate izan ditu historikoki:
- Gazteluondoko errebalean, Gasteiz eta Gatzaga ingurutik zetozenentzako. Ate hau XX. mende hasieran desagertu zen.
- Zurgin kantoirako sarrera ematen duena, Monterron jauregiaren parean eta Arbolapeta izenez ezaguna den gunearen ondoan kokatuta dagoena.
- Olarte kantoirako sarrera ematen zuena. 1892an desagertu zen ate hau.
- Kanpatorperako sarrera ematen duena.
- Portaloia, guztietan ezagunena dena.
2007ko maiatzaren 25ean udal hauteskundeak izan ziren. Egun hartan, 6.141 hautesle zeuden Arrasateko erdialdean (%100), baina 2.181 abstenitu egin ziren (%35,52). Alderdien botoak horrela banatu ziren[1]:
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
