Odol-agar
Osagai gisa odola duen hazkuntza-inguru mikrobiologikoa; bakterio hemolitikoen anduiak atzemateko erabili ohi da From Wikipedia, the free encyclopedia
Osagai gisa odola duen hazkuntza-inguru mikrobiologikoa; bakterio hemolitikoen anduiak atzemateko erabili ohi da From Wikipedia, the free encyclopedia
Odol-agarra mikrobiologiako laborategietan erabiltzen den hazkuntza-ingurune solido eta orokorra (mikrobio askoren hazkuntza ahalbidetzen duelako) da. Mikroorganismo aerobio eta anaerobioen hazkuntza errazten du, Gram positiboena zein Gram negatiboena, eta baita onddoena ere.
Hazkuntza-ingurune honek ardi-odola dauka. Odol horrek eskakizun nutritibo zorrotzak dituzten bakterioen hazkuntza ahalbidetzen du, alde batetik, eta hemolisiaren erreakzioak aztertu, bestetik. Peptonak eta haragi-extraktuak ere baditu, nitrogeno, karbono eta oligoelementuen iturria direnak bertan hazten diren mikrobioentzat.
Jakina da bakterio batzuek eritrozitoak puskatzeko (hots, eritrozitoen lisia egiteko) gaitasuna dutela (besteak beste, Streptococcus pyogenes-ek, Streptococcus agalictae-k, Staphylococcus aureus-ek, Listeria monocytogenes-ek...). Mikrobio hauek hemolisinak ekoiztu eta askatzen dituzte, eritrozitoen lisia eragiten dituztenak.
Odol-agarrean sortzen dituzten zisku edo haloen arabera (hots, hemolisi-eremuaren arabera) hiru hemolisi mota daude [1]:
Hazkuntza-ingurune orokorra izan arren, odol-agarrak hemolisiaren arabera bakterio batzuk bereizten ditu. Beraz, nolabaiteko hautakortasunak ere badu.
Mikrobiologia klinikoan usu erabiltzen den hazkuntza-ingurunea da odol-agarra.
Txokolate-agarra odol-agarraren deribatua da: hazkuntza-ingurune horrek eritrozito osoak izan beharrean eritrozito lisatuak dauzka. Eritrozito lisatuek hemoglobina eta heminak bezalako elikagaiak askatzen dituzte ingurunera, eskakizun nutritibo zorrotzak dituzten bakterioek hartzen dituztenak
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
