Pío Cabanillas Alonso

Pío Cabanillas Alonso (Madril, 1958ko abenduaren 9a) espainiar abokatu, enpresaburu eta politikoa da. Unión de Centro Democrático (UCD) alderdiko ministro Pío Cabanillas izan zenaren semea, 1998an Espainiako Irrati Telebistako zuzendari izendatua. Madrilgo Unibertsitate Complutensean egin zituen Zuzenbide-ikasketak eta 1980an lizentziatu zen. Estatu Batuetan sakondu zituen ikasketak, eta, harrezkero, komunikabideen inguruko legegintzaren alorreko aditu gisa lan egin zuen Europan eta Estatu Batuetan. 1985etik aurrera, Europar Batasunaren inguruko zenbait erakundetako kide izan zen, eta, 1989an, New Yorkera aldatu zen News Corporation komunikabideen taldeko abokatu orokor laguntzailearen kargua hartzera. 1991n, PRISA taldean sartu zen; 1993an, Sogecableko zuzendari orokor eta, handik hiru urtera, PRISAko nazioarteko harremanetarako zuzendari hautatu zuten; 1998an, Espainiako Irrati Telebistako zuzendari izendatu zuten, eta 2002an utzi zuen kargu hori. Harrezkero, enpresa pribatuan dihardu.

Pío Cabanillas Alonso
Irudi gehiago
Bizitza
Jaiotza	Madril, 1958ko abenduaren 9a (65 urte) (65 urte)
Herrialdea	Espainia
Familia
Aita	Pío Cabanillas Gallas
Hezkuntza
Heziketa	Madrilgo Complutense Unibertsitatea
Hizkuntzak	gaztelania
Jarduerak
Jarduerak	abokatua eta politikaria
Parte-hartzailea In defense of the reign of Juan Carlos I (en)
Jasotako sariak	ikusi Karlos III.aren Ordenaren Gurutze Handia  (2002)
Sinesmenak eta ideologia
Alderdi politikoa	Alderdi Popularra

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q3412141
• Multimedia: Pío Cabanillas Alonso / Q3412141