Paranalgo Behatokia

Paranalgo Behatokia (gaztelaniaz: Observatorio Paranal) Txilen dagoen behatoki astronomikoa da, guztira 24 teleskopio dituena. Hegoaldeko Behatoki Europarrak (ingelesez: European Southern Observatory, ESO) behatokia kudeatzen du.

Paranalgo Behatokia
Irudi gehiago
Kokapena
Estatu burujabe	Txile
Eskualdea	Antofagasta eskualdea
Probintzia	Antofagasta probintzia
Kokapen fisikoa	Atacamako basamortua
Koordenatuak	24°37′38″S 70°24′15″W
Altitudea	2.635 m, itsas mailaren gainetik
Inaugurazioa	1999ko apirilaren 1a
Kudeatzailea	Hegoaldeko Behatoki Europarra
Webgune ofiziala

Cerro Paranal mendian dago, Txileko Atacama basamortuan, Taltal komunan hain zuzen ere. 2008ko Quantum of Solace filma bertan filmatu zuten.

Deskribapena

Paranalgo Behatokiaren sistema nagusia Very Large Telescope (VLT) delakoak osatzen du, 8,2 m-ko lau teleskopio dituena. Lau teleskopio nagusi horiek argia konbinatu dezakete bosgarren tresna bat erabiltzeko: Very Large Telescope Interferometer (VLTI). Teleskopio hauek mapudungunetik hartutako izenak dituzte: Antú (Eguzkia), Kueyén (Ilargia), Melipal (Hegoaldeko Gurutzea) eta Yepún (Artizarra).^[1]

Gainera, 1,8 metroko lau Auxiliary Teleskope (AT) ditu, teleskopio nagusiak beste proiektu batzuetan erabiltzen ari badira VLTIri gehitu ahal zaizkionak, 2,5 metroko VLT Survey Telescope (VST) eta 4 metroko Visible & Infrared Survey Telescope for Astronomy (VISTA), zeruko eremu zabalak modu uniformean aztertzeko ikuseremu zabalekin.

Erreferentziak

1. (Ingelesez) European Southern Observatory - ESO. (2011ko azaroa). Names of VLT Unit Telescopes. .

Kanpo estekak

• Datuak: Q10914152
• Multimedia: Paranal Observatory / Q10914152

Artikulu hau astronomiari buruzko zirriborroa da. Wikipedia lagun dezakezu edukia osatuz.