Polina Astakhova

Polina Grigorievna Astakhova (ukraineraz: Поліна Григорівна Астахова, Polina Grigorivna Astakhova; errusieraz: Полина Григорьевна Астахова, Polina Grigoryevna Astakhova; Zaporizhia, Ukraina, 1936ko urriaren 30a - Kiev, 2005eko abuztuaren 5a) sobietar gimnasta izan zen. Astakhovak hamar olinpiar domina irabazi zituen guztira. 1956an joan zen bere lehen Olipiar Jokoetara, Larisa Latynina sobietar izarra buru zuen gimnasta taldean. Ariketa konbinatuen lehiaketa irabazi zuten. 1959an, Astakhovak Europako bi txapelketa irabazi zituen: barra asimetrikoetan bata; lurreko ariketetan, bestea. 1960an eta 1964an, Astakhovak eta haren taldekideek urrezko olinpiar domina lortu zuten berriro, taldekako ariketa konbinatuetan. 1960an, barra paralelo asimetrikoetako urrea ere bereganatu zuen Astakhovak; orobat zilarra, lurreko ariketetan, eta brontzea, banakako lehiaketa orokorrean. 1961ean, Astakhovak eta beste sobietar gimnasta batzuek aise garaitu zituzten Estatu Batuetako gimnasta onenetako batzuk. Urte bereko Europako txapelketetan, Astakhova bigarren gelditu zen ariketa konbinatuetan. 1964an, Tokioko Olinpiar Jokoetan, urrea, zilarra eta brontzea irabazi zituen, barra asimetrikoetan, lurreko ariketetan eta banakako lehiaketa orokorrean, hurrenez hurren. Handik laster, Astakhova erretiratu egin zen lehiaketetatik. 1972an itzuli zen Olinpiar Jokoetara, Sobietar Batasuneko gimnasten arduradun gisa.

Polina Astakhova
Gimnasta
Informazio pertsonala
Izen osoa	Polina Grigorievna Astakhova Поліна Григорівна Астахова Полина Григорьевна Астахова
Ordezkatutako herrialdea	Sobietar Batasuna
Jaiotza	1936ko urriaren 30a Zaporizhia, Ukraina
Heriotza	2005eko abuztuaren 6a Kiev, Ukraina
Garaiera	166 zentimetro
Pisua	56 kilogramo
Diziplina	Emakumezkoen gimnasia artistikoa
Kluba	Shakhtar Donetsk, Avangard Kiev, CSKA Kiev
Entrenatzailea	Nikolai Tolkatxev
Dominen zerrenda Olinpiar Jokoak Melbourne 1956 Taldeka Erroma 1960 Taldeka Erroma 1960 Asimetrikoak Tokio 1964 Taldeka Tokio 1964 Asimetrikoak Erroma 1960 Zorua Tokio 1964 Zorua Melbourne 1956 Taldeka Erroma 1960 Lehiaketa osoa Tokio 1964 Lehiaketa osoa Munduko Txapelketak 1958 Mosku Taldeka 1962 Praga Taldeka 1966 Dortmund Taldeka 1958 Mosku Asimetrikoak Europako txapelketa 1959 Krakovia Potroa 1961 Leipzig Potroa 1961 Leipzig Asimetrikoak 1961 Leipzig Lehiaketa osoa 1961 Leipzig Zorua

Erreferentziak

Wikimedia Commonsen badira fitxategi gehiago, gai hau dutenak: Polina Astakhova

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q241995
• Multimedia: Polina Astakhova / Q241995