112 (telefono zenbakia)

112 (bat bat bi ahoskatua^[1]) Europar Batasun osoan, Kolonbian eta GSM sistemak funtzionatzen duen herrialdeetan erabiltzeko larrialdietarako telefono zenbakia da. 1991n ezarri zuen Europar Batasunak larrialdietarako zenbaki unibertsal gisa. Eguneko 24 orduetan, urteko egun guztietan, ematen du zerbitzua, salbuespenik gabe.

112 (telefono zenbakia)

Telefono adimendun gehienetan, telefonoa programatu daiteke hasierako seguritate-pasahitza sartu gabe ere, 112 larrialdietako doako telefonora deitu ahal izateko. Irudiko telefono pantaila-argazkian ikus daiteke puntu morean klik eginez gero telefonoak 112 markatuko duela.

112 telefono zenbakia doakoa da. Telefono mugikorretatik deitu daiteke estaldura dagoenean, nahiz eta estaldura hornitzen duen operadoreak erabiltzailearena ez izan.

112 telefonoaren bidez, larrialdiren batean edo berehalako arriskuren baten aurrean dauden pertsonek larrialdiko laguntza eska dezakete honako arlo hauetan: herritarren segurtasuna, su itzaltze eta salbamendua, osasun larrialdiak, babes zibila edo bertzelako laguntza egoerak^[2].

Zer egin 112 deitzean

112 telefono zenbakiarekin harremanetan jarri ondoren, honako hau egitea gomendatzen dute^[2]:

• Ahalik eta informazio esanguratsu gehien denbora laburrean hauek helarazten saiatzea:
  • Izena, telefono zenbakia eta nondik deitzen den adieraztea.
  • Zer gertatu den eta non gertatu den azaltzea.
  • Zaurituen edo gaixoen kopurua eta egoera.
  • Nola eta noiz gertatu den.
• Lasai egon behar da eta modu ordenatuan erantzun behar zaie operadorearen galderei, guztiak beharrezkoak baitira behar den laguntza bidaltzeko.
• Elkarrizketa amaitu ondoren, komeni da abisua emateko erabilitako telefonoa libre izatea, informazio gehiago eman behar bada edo deitu duenari autobabeseko gomendioak helarazi behar bazaizkio.

Herrialdeak

112 telefono zenbakia erabiltzen duten herrialdeen artean:

•  Alemania
•  AEB (telefono mugikorren operadore gehienekin)
•  Andorra
•  Armenia
•  Belgika
•  Bielorrusia
•  Bulgaria
•  Danimarka
•  Erresuma Batua (999 telefono zenbakiarekin batera)
•  Errumania
•  Errusia (2008tik aurrera)
•  Eslovakia
•  Eslovenia
•  Espainia
•  Estonia
•  Finlandia ( Åland barne)
•  Frantzia (15arekin anbulantziarako, 17arekin poliziarako eta 18arekin suhiltzaileetarako)
•  Gibraltar
•  Grezia
•  Hegoafrika
•  Hego Korea (polizia bakarrik)
•  Herbehereak
•  Hong Kong (gune menditsuetan soilik; 999 zenbakira birbideratzen du deia)
•  Hungaria
•  India (poliziak bakarrik)
•  Irlandako Errepublika
•  Islandia
•  Italia (Carabinieriak bakarrik)
•  Kolonbia (poliziak bakarrik)
•  Kroazia
•  Letonia
•  Libano
•  Liechtenstein
•  Lituania
•  Luxenburgo
•  Malaysia (telefono mugikorrak bakarrik)
•  Malta
•  Norvegia (polizia bakarrik)
•  Polonia (997, 998, 999 telefono zenbakiekin batera)
•  Portugal
•  San Marino (polizia bakarrik)
•  Suedia
•  Suitza
•  Turkia (anbulantzia bakarrik)
•  Txekia
•  Ukraina (Kharkiven bakarrik)
•  Vatikano Hiria (Vatikano Hiriko Jendarmeriak bakarrik)
•  Zipre