Ahurti

Ahurti Lapurdiko iparraldean, barnealdean dagoen udalerri bat da, Lapurdi Ekialdea eskualdekoa.

Ahurti
Lapurdi, Euskal Herria
Ahurtiko Herriko Etxea.
Armarria
Kokapena
Herrialdea	Euskal Herria
Lurraldea	Lapurdi
Administrazioa
Estatua	Frantzia
Eskualdea	Akitania Berria
Departamendua	Pirinio Atlantikoak
Elkargoa	Euskal Hirigune Elkargoa
Barrutia	Baiona
Kantonamendua	Errobi-Aturri
Izen ofiziala	Urt
Auzapeza	Nathalie Martial EtxegorriRobert Lataillade (2008-2014)
Posta kodea	64240
INSEE kodea	64546
Herritarra	ahurtiar
Geografia
Koordenatuak	43°29′39″N 1°17′26″W
Azalera	18,99 km²
Garaiera	0-111 metro
Distantzia	15 km (Baionatik)
Demografia
Biztanleria	2.316 (2018:  3)
1.153 (%49,2)   (%49) 1.148
Dentsitatea	116,8 biztanle/km²
Zahartzea[1]	% 25,9
Ugalkortasuna[1]	‰ 49,47
Ekonomia
Jarduera[1]	% 75,05 (2011)
Desberdintasuna[1]	% 3,68 (2011)
Langabezia[1]	% 5,66 (2013)
Euskara
Euskaldunak	% 18,8 (2010)
Erabilera	% 2,11 (2011)
Datu gehigarriak
Webgunea	http://www.urt.fr/

Geografia

Ingurune naturala

Arhan ibaia udalerriko lurretan isurtzen da Aturrira. Lehenengora isurtzen diren hiru erreka ere igarotzen dira udalerritik: Marmareko erreka, Lartasoko erreka eta Eiherazarko erreka.

Udalerri mugakideak

• Beskoitze eta Urketa mendebaldean
• Bardoze eta Gixune ekialdean
• Hazparne hegoaldean

Udalerria Landekin da mugakidea iparraldean.

Historia

Ahurtiko ibai portuak garrantzi historiko handia izan zuen Aturri ibaian zehar ondasunak garraiatzerako orduan; izan ere, 1199-1200ean Nafarroak itsas irteera galdu zuenean, Ahurti bilakatu zen Nafarroaren portu nagusi Aturrin behera Baionara gabarretan salgaiak garraiatzeko.

Agramondarren dukerriaren meneko jaurerria izan bazen ere,^[2] azkenik, XVIII. mendean Lapurdin sartu zen. XIX. mendeko bigarren erdialdean fraide beneditarrek eraiki zuten Belokeko komentua, historikoki garrantzia eduki izan duena iheslarien babeslekua izan baitzen Espainiako Gerra Zibilaren ostean bai eta naziek okupatutako Frantzian ere.

Demografia

Ahurtiko biztanleria
Datuen iturburua: INSEE

Ekonomia

Udalerriko ekonomiaren oinarria laborantza da.

Kultura

• Belokeko komentu beneditarra bertan dago, 1874. urtean eraikia.
• Santa Eskolastika monasterioa, 1883an eratua.
• Sortzez Garbiaren kapera.
• Jasokundearen eliza. San Benitoren erretaula eta itsasontzi baten maketa topa daitezke bertan.

Argazki galeria

Legenda:
Gorriz:muga administratiboak
Urdinez: Ibaiak eta errekak
Laranjaz: udalerri barruko errepideak
Horiz: udalerriz kanpoko errepideak
Morez: A64 (E 80) autobidea

• 
  Harana ibaiaren gaineko zubia
• 
  Jasokundearen eliza
• 
  Herriko etxea
• 
  Ahurtiko seinale elebiduna