Al-Ram

Al-Ram^{[1][oh 1]} (arabieraz: الرّام‎), baita Al-Ramm, El-Ram, Er-Ram edota A-Ram idatzia ere, Zisjordaniako Jerusalemgo gobernazioko herri palestinarra da, hiriburuaren ipar-ekialdean dagoena. Palestinako Estatistika Bulego Zentralaren arabera, 15.814 biztanle zituen 2017an.^[2]

Al-Ram الرّاما
hiria
Irudi gehiago
Administrazioa
Herrialdea	Palestina
Eskualde geografiko	Zisjordania
Palestina Estatuko lurralde-antolaketa	Jerusalemgo Gobernazioa
Jatorrizko izena	الرّاما
Geografia
Koordenatuak	31°51′12″N 35°14′00″E
Altitudea	768 m
Mugakideak	Jerusalem
Demografia
Informazio gehigarria
Hiri senidetuak	Zemun (en) eta Bondy

Herrixka Jerusalemgo hiri-eremu urbanizatuaren zati bat da, eta Atarot industrialdearekin eta Ekialdeko Jerusalemgo Beit Hanina auzoarekin egiten du muga mendebaldean, Neve Ya'akov israeldar kokalekuarekin hegoaldean eta Kalandia palestinar herriarekin iparraldean.^[3] 3289 dunameko azalera eraikia du.

Harresia eraiki aurretik, herria Ekialdeko Jerusalemgo kanpoaldeko auzo bat zen, zeinekin tradizionalki familia-, lan-, hezkuntza-, kultura- eta osasun-harreman estuak zituena. Baina, al-Azariya, Abu Dis edota Sawahreh bezalako inguruko beste herri palestinar batzuekin gertatu zen bezala, harresiak Al-Ram isolatu du, ez bakarrik Jerusalemdik, baita inguruko herri palestinarretatik ere, palestinarren espazioa sakabanatuz. Al-Ramgo udal-kontseiluko buruaren arabera, 2005ean 58.000 pertsona bizi ziren bertan, erdiak baino gehiagok israeldar nortasun-agiriak zituztelarik. Banaketa harresiaren eraikuntza amaitu baino lehen, milaka Ekialdeko Jerusalemera lekualdatu ziren.^[3][4]

Herri eta hiri senidetuak

•  Zemun (Serbia)
•  Bondy (Frantzia) – 2010eta hasi ziren harremanak

Oharrak

1. Berria Estilo Liburuak honako hau gomendatzen du: "Artikulua letra larriz hasieran, eta xehez tartean. Marratxoz loturik idazten da".