Arkamu

Arkamu^[1] Arabako mendebaldean eta —zati txiki bat— Burgosko probintziaren ipar-ekialdean dagoen mendilerro karstikoa da. Mendilerro honek Kuartangoko harana (iparraldean) eta Erriberagoitia (hegoaldean) banatzen ditu. Halaber, Badaiako mendilerroaren ondoan dago; bi mendilerrook Tetxa edo Subillako haitzarteak banatzen ditu.

Arkamu
IV. maila: habitat/espezieen kontserbazio gunea
Datu orokorrak
Mendirik altuena	Repico
Garaiera	1.188 m
Mota	mendilerroa eta Natura 2000 sarea
Azalera	11.648,9 ha
Geografia
Koordenatuak	42°53′00″N 3°00′44″W
Mendikatea	Euskal Herriko arkua
Herrialdea	Euskal Herria
Probintzia	Araba
Geologia
Material nagusia	arroka sedimentario

Mendilerro honek ez dauka gailur nabarmenik. Tontor guztiak 1.100 metro ingurukoak dira, garaiena Repico izanik. Ekialdetik mendebaldera hedatzen da, Subilla Morillasen dagoen Tetxako haitzartetik hasi eta garaiera irabazten doa mendebalderantz. Hegoaldean malda etzanagoz osaturik dago, baina iparraldean labar pikoak osatuz jaisten da Kuartangoko haraneraino. Nabarmena da klimaren eragina Arkamuko landaredian: hegoaldean artadiz estalita dago, eta iparraldean pagadiak dauzka goiko estaietan eta pinu gorria beherago.

Arkamuren mendebaldeko muturra, iparraldetik ikusia.

Mendiak

1. Repico, 1.188 m (Araba)
2. Risco Malo, 1.172 m (Araba)
3. Kruzeta, 1.169 m (Araba)
4. Coronas, 1.168 m (Araba)
5. Pando, 1.142 m (Araba)
6. Peña Colorada, 1.131 m (Araba)
7. Peñalta, 1.129 m (Araba)
8. El Fraile, 1.111 m (Araba)
9. Erea, 1.110 m (Burgos)
10. Montemayor, 1.104 m (Araba)
11. Escaños, 1.096 m (Araba)
12. Azkorri, 1.094 m (Araba)
13. Riscamala, 1.093 m (Araba)
14. Cotorrillo, 1.084 m (Araba)
15. Ramalejo, 1.004 m (Burgos)
16. Mendia Encimera, 983 m (Araba)
17. Santa Cruz, 965 m (Araba)
18. Santiago, 944 m (Burgos)
19. Monte Santiago, 940 m (Araba eta Burgos)