Bermuda

Bermuda^[1] (ingelesez Bermuda) Erresuma Batuko itsasoz bestaldeko lurraldea da. Bermuda geografikoki Ipar Amerikako uhartedia da, Ozeano Atlantikoan.

«Bermudak» orriak hona dakar. Praka motzei buruzko artikulua hau da: «Bermuda-galtzak»

Bermudako Itsasoz Bestaldeko Britainiar Lurraldea
British Overseas Territory of Bermuda
Ereserkia: God Save the King
Goiburua: Quo Fata Ferunt (Etorkizuna eramango gaitunera)
Bermudako bandera Bermudako armarria
Geografia
Hiriburua	Hamilton
Hiririk handiena	hiriburu
Azalera	53,3 (224.)
Kontinentea	Ipar Amerika
Administrazioa
Gobernu-sistema	monarkia konstituzionala
Erregea	Karlos III.a
Bermudako Premierra	E. David Burt (en)
Legebiltzarra	Bermudako Parlamentua
Epai autoritatea	Supreme Court of Bermuda (en)
Harreman diplomatikoak	Ikusi mapa Wikidatan
Zeren kide	ikusi Aduanen Mundu Erakundea
Demografia
Biztanleria	65.024
Dentsitatea	1.226,87 bizt/km² (8.)
Hizkuntza ofizialak	ikusi ingeles
Erabilitako hizkuntzak	ikusi ingeles
Emankortasun-tasa	1,63 (2014)
Eskolaratu gabeko umeak	2.022 (2011)
Bizi-itxaropena	81,22707 (2016)
Ekonomia
BPG per capita	85.748 $ (2013)
BPG erosketa botere paritarioa	3.415.629.369 nazioarteko dolar (2013)
BPG per capita EAPn	52.547,336 nazioarteko dolar (2013)
Historia
Sorrera data: 1612
Bestelako informazioa
Aurrezenbakia	+1441
ISO 3166-1 alpha-2	BM
ISO 3166-1 alpha-3	BMU
Ordu eremua	ikusi UTC−04:00
Elektrizitatea	120 V. 60 Hz.NEMA 1-15 (en) eta NEMA 5-15 (en)
Internet domeinua	.bm
gov.bm

Geografia

Bermudako mapa

Bermuda Ozeano Atlantikoaren iparraldean kokatzen da, Ipar Carolinako kostaldetik 580 itsas-miletara hego-ekialderantz.

Bermudak 103 kilometroko kostaldea du eta 58,8 km²ko azalera. Uhartediko lekurik altuena 76 metroko Town Hill da.

Uhartediak 138 uharte ditu. Zaila da uharteen zerrenda bat egitea da, uharte askok izen bat baino gehiago dituztelako baina nagusiak Bermuda izenaz ere ezaguna da (batzuetan Bermuda Handiaz).

Historia

Ziur asko 1503an Palos de la Fronterako Juan Bermudez uhartedia ikusteko lehendabiziko europarra zen.

Gero, bai espainiarrek bai portugaldarrek uharteak bisitatu zituzten baina Bermuda okupatzeko lehendabizikoak britainiarrak ziren. Horrela, britainiarrentzat Bermuda Amerikara ailegatzeko lehendabiziko kanpamendu bihurtu zen eta, hurrengo mendeetan zehar, uhartediak bai Europa bai Amerikako gatazketan hartu zuen parte.

Bigarren Mundu Gerran, bere kokapen estrategikoa zela eta, Bermuda base militar bihurtu zen. 1941ean, metropoliak ez ezik Estatu Batuek ere baseak eraiki zituzten uhartedian. 1995eko irailaren 1ean, Erresuma Batuak eta Kanadak bere baseak itxi zuten eta 2002an AEBek gauza bera egin zuen.

Banaketa administratiboa

Bermudako parrokiak

Bermudak bederatzi parrokia eta udalerri bi ditu.

• Bermudako bederatzi parrokiak hauek dira:
  • Devonshire parrokia.
  • Hamilton parrokia.
  • Paget parrokia.
  • Pembroke parrokia.
  • St. George's parrokia.
  • Sandys parrokia.
  • Smith's parrokia.
  • Southampton parrokia.
  • Warwick parrokia.
• Bermudako udalerri erantsiak hauek dira:
  • Hamilton (hiria)
  • St. George's (herria)
• Bermudako udalerri ez-erantsiak hauek dira:
  • Flatts Village (herrixka)
  • Somerset Village (herrixka)

Demografia

Uhartediak 66.163 biztanle ditu. Horietatik %54,8 negroideak dira, %34,1 kaukasiarrak, eta %6,4 mestizoak. Bada portugaldar gutxiengo handi bat (%10), batez ere Azoreetatik etorriak.