Bougainville uhartea

Bougainville Papua Ginea Berriko uhartea da, Bougainvilleko Eskualde Autonomoko handiena. Geografikoki Salomon uhartediaren zati den arren, ez dago Salomon Uharteak estatuaren barnean. 9.318 kilometro koadroko eremua du, eta 2000. urtean 175.160 biztanle zituen.

Bougainville uhartea
Datu orokorrak
Mendirik altuena	Mount Balbi (en)
Garaiera	2.715 m
Mota	uhartea
Luzera	204 km
Zabalera	64 km
Azalera	9.318 km²
Eponimoa	Louis Antoine de Bougainville
Geografia
Koordenatuak	6°14′40″S 155°23′02″E
UTC ordua	UTC+10:00 eta Pacific/Bougainville (en)
Estatua	Papua Ginea Berria
Administrative territorial entity of Papua New Guinea	Bougainvilleko Eskualde Autonomoa
Ur-gorputza	Ozeano Barea
Leku geografikoa	Salomon uharteak Solomon Islands (en)

Geografia

Oso uharte menditsua da, eta bertan bi sumendi daude (Balbi eta Bagana). Landaredi trinkoak estaltzen du, neurri handi batean, uhartea. Ekialdeko kostaldean ordoki estu bat ageri da, Kietatik hurbil.

Klima

Datu klimatikoak (Bougainville)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Batez besteko tenperatura maximoa (°C)	32	32	31	31	31	31	30	31	31	30	31	31	31
Batez besteko tenperatura minimoa (°C)	22	22	23	22	22	22	22	22	22	22	22	23	22
Pilatutako prezipitazioa (mm)	564	191	373	290	282	241	505	323	353	582	417	488	4608
Iturria: Weatherbase [1]

Historia

Uharteak Louis Antoine de Bougainville itsasgizon frantsesari zor dio izena, hark aurkitu baitzuen 1768. urtean. Buka uhartearekin batera, Alemaniaren esku egon zen 1899tik 1914ra bitartean. Australiaren mende 1921ean, japoniarrek hartu zuten 1942. urtean. AEBek 1943. urtean eraso zuten. Bigarren Mundu Gerra bukaeran NBEk (Nazio Batuen Erakundeak) Australiaren mende utzi zuen uhartea 1975. urtera arte.

Bougainvillek birritan adierazi du independentzia, 1975ean eta 1990ean. Bigarren honek gerra zibil odoltsua izan zuen ondorio, 1998ko su etenenarekin bukatu zena. 2002an autonomia politikoa lortu ondoren, 2005ean estatutu berri bat lortu zuen, autodeterminazio eskubidea onartzen duena.