Hauze

Hauze ([haus̻e]) Zuberoako hego-ekialdeko udalerri bat da, Basabürüko Ibarrezkerrean, Atharratze-Sorholüzeko kantonamenduan. 17,01 km² ditu, eta 2007an, 105 biztanle zituen (hauztarrak). Hauzeko euskara zuberera da, eta euskaldunak dira hauztarren % 88.

Hauze
Zuberoa, Euskal Herria
Hauze herria
Kokapena
Herrialdea	Euskal Herria
Lurraldea	Zuberoa
Administrazioa
Estatua	Frantzia
Eskualdea	Akitania Berria
Departamendua	Pirinio Atlantikoak
Elkargoa	Euskal Hirigune Elkargoa
Barrutia	Oloroe-Donamaria
Kantonamendua	Euskal Mendialdea
Izen ofiziala	Haux
Auzapeza	Pierre Carricart (2014-2020)
Posta kodea	64470
INSEE kodea	64258
Herritarra	hauztar
Ezizena	agaramuntes urgüllutsiak
Geografia
Azalera	17.01
Garaiera	266 – 1.385
Demografia
Biztanleria	84 (2018:  1)
Dentsitatea	5 biztanle/km²
Zahartzea[1]	% 14,22
Ugalkortasuna[1]	‰ 19,12
Ekonomia
Jarduera[1]	% 66,1 (2011)
Desberdintasuna[1]	% 10,25 (2011)
Langabezia[1]	% 0 (2013)
Euskara
Euskaldunak	% 65,05 (2010)
Erabilera	% 33,78 (2011)

Geografia

Ingurune naturala

Oso eskualde menditsuan dago Hauzeko udalerria, eta mendi garaienak hegoaldean daude: Arbut (1.542 m), Iguntze (1.387 m), Losko (1.108 m).

Uhaitzandira isurtzen diren hainbat erreka eta errekasto igarotzen dira udalerritik, Antolako erreka horietako bat delarik. Bestalde, udalerriko lurretan bada Antolako edo Hauzeko basoa izena duen oihana, Biarnorekiko mugan dagoena.

Mugak

Mugakide ditu iparraldean Liginaga-Astüe, ekialdean Montori / Berorize eta Biarno (Landa-Sarraltzune), mendebaldean Ligi-Atherei, eta hegoaldean Santa Grazi.

Auzo nagusiak

Ezpeleta, Saldaki, Undurain, Bassagails, Bonnefont, Harispe, Arbuslan eta Hauze.

Ekonomia

Laborantzan (barazkiak, bazkarako landareak) eta abere hazkuntzan (ardi eta behi aziendak) oinarritzen da bertako ekonomia jarduera.

Demografia

Biztanleriaren bilakaera 1793 1800 1806 1821 1831 1836 1841 1846 1851 319 340 338 379 334 388 382 366 353 1856 1861 1866 1872 1876 1881 1886 1891 1896 320 330 304 281 242 241 244 233 245 1901 1906 1911 1921 1926 1931 1936 1946 1954 249 245 231 201 221 211 211 185 170 1962 1968 1975 1982 1990 1999 2009 2014 2020 148 137 128 119 99 96 - - -

Ondasun nabarmenak

• Hauzeko elizak (San Joan parrokia erromanikoa) XIII. mendean du jatorria.
• XVII. mendearen hasierako harrizko gurutzea.
• XVII. mendeko errota.

Argazki galeria

• 
  Hauzeko eliza.
• 
  Herriko etxea.
• 
  Beguze mendia (767 m).