Henrike II.a Ingalaterrakoa

Henrike II.a^[1] (Le Mans, Frantzia, 1133ko martxoaren 5a – Chinongo Gaztelua, Frantzia, 1189ko uztailaren 6a), Henrike Plantagenet ezizenez ezaguna, Ingalaterrako erregea izan zen 1154-1189 bitartean. Rikardo Lehoi Bihotza eta Joan Lurgabearen aita izan zen.

Henrike II.a Ingalaterrakoa
Irudi gehiago
Irlandako jauna 1171 - 1189ko uztailaren 6a Ingalaterrako monarka 1154ko abenduaren 19a - 1189ko uztailaren 6a ← Eztebe Ingalaterrakoa - Rikardo I.a Ingalaterrakoa → count of Anjou (en) Normandiako dukea Akitaniako dukea errege
Bizitza
Jaiotza	Le Mans, 1133ko martxoaren 5a
Herrialdea	Ingalaterrako Erresuma
Bizilekua	Loirerria
Heriotza	Chinongo gaztelua, 1189ko uztailaren 6a (56 urte)
Hobiratze lekua	Fontevraulteko abadia
Heriotza modua	berezko heriotza: gaixotasun gastrointestinala
Familia
Aita	Godofredo V.a Anjoukoa
Ama	Matilde Ingalaterrakoa
Ezkontidea(k)	Leonor Akitaniakoa  (1152ko maiatzaren 18a (egutegi gregorianoa) -
Bikotekidea(k)	ikusi Ykenai Ida de Tosny Alys, Countess of the Vexin (en) Alice de Porhoët (en) Nesta (?) (en) Rosamund Clifford
Seme-alabak	ikusi Geoffrey William IX, Count of Poitiers (en) Henrike Gaztea Rikardo I.a Ingalaterrakoa Geoffrey II (en) Matilde Ingalaterrakoa, Saxoniako dukesa Leonor Ingalaterrakoa Joan of England Joanes Lur Gabea William Longespée, 3rd Earl of Salisbury (en) Morgan Peter (?) (en) daughter d'Anjou (en) Matilda of Barking (en) Hugh of Wells (en) Richard (?) (en) child of England (en)
Haurrideak	ikusi William FitzEmpress (en) Hamelin de Warenne, Earl of Surrey (en) Geoffrey, Count of Nantes (en)
Leinua	Plantagenet Angevins (en) House of Normandy (en)
Jarduerak
Jarduerak	monarka
Zerbitzu militarra
Parte hartutako gatazkak	Revolt of 1173–1174 (en)

Bizitza

Frantziako Erresumako Le Mans hirian jaio zen. Ama Matildaren aldetik Gilen Konkistatzailearen birbiloba zen. Aita, berriz, Godofredo V.a Plantagenet zuen. 1151an, aita hil ostean, Normandiako duke eta Anjou, Maine eta Nantesko konde bilakatu zen. Urtebete beranduago, berriz, Leonor Akitaniakoarekin ezkontzearen ondorioz, Akitania eta Baskoniako duke ere bilakatu zen eta, azkenik, 1154ean Ingalaterrako errege izendatu zuten. Plantagenet leinuko lehendabiziko erregea izan zen. Garai hartako kondaira batzuek esaten zutenez, leinu horretako arbasoetako bat Deabrua bera zen^[2].

1171ean Irlandako jaun bilakatu zen eta, horrezaz gain, batzuetan Gales, Eskozia eta mendebaldeko Frantziako eskualde batzuk kontrolatu zituen. Hau guztia dela eta, garaiko Europako erregerik boteretsuena izan zen.

Errege boterea handitzeko asmoz, Eliza Katolikoaren eskubideak murriztu nahi izan zituen (Clarendongo Konstituzioak, 1164). Hori zela eta, Canterburyko artzapezpiku eta Aita Santuaren ordezkari zen Thomas Becketekin egundoko iskanbilak izan zituen. 1170. urtean, Canterburyko katedralean bertan, erregearen inguruko nobleek Becket hil zuten. Henrike II.ak jendaurreko penitentzia egin behar izan zuen, Aita Santuaren aginduz, eta baliogabe utzi behar izan zituen Clarendongo erabakiak.

1177an, Westminster-en, bitartekari lana egin zuen Gaztelako Alfonso VIII.a eta Nafarroako Antso VI.a Jakitunaren artean, bi erreinuen arteko muga gatazka bat sortu zenean. Historialari batzuen arabera, Henrike II.a Ingalaterrakoaren laudoa teorian neutrala eta inpartziala bazen ere^[3], praktikan kalte gehiago egin zion Nafarroari Gaztelari baino, Henrike II.ak piriniar erresuma etsai edo, gutxienez, lehiakidetzat jotzen zuelako Akitanian^[3].

Henrike II.ak oztopo handiak izan zituen familia barnean; emazteak eta semeek bultzaturiko hiru matxinadari egin behar izan zien aurre: Henrike seme gazteak gidatutako lehena arazo handirik gabe zapuztu zuen; bigarrenean Filipe-Augusto Frantziako erregeak hartu zuen parte eta larriagoa izan zen; hirugarrena (1188-1189) Joan Lurgabea semeak bultzatu zuen eta haren ondorioz hil zen.

Ezkontza eta seme-alabak

1152an, Bordelen, Leonor Akitaniakoarekin ezkondu zen, eta zortzi seme-alabak izan zituzten:

• Gilen (1153-1156), Poitiersko kondea.
• Henrike (1155-1183), Normandiako dukea
• Matilde (1156-1189), Henrike Bavierakoarekin ezkondu zena.
• Rikardo (1157-1199), oinordekoa eta Ingalaterrako errege izatera heldu zena, bere bi anaia helduagoak hiltzean
• Godofredo (1158-1186), Anjouko konde eta Bretainiako duke ezkontidea.
• Leonor (1162-1214), Zortzi urte baino ez zituelarik Alfontso VIII.a Gaztelakoarekin ezkondu zuten (azken honek hamabost zituen une hartan).
• Joana (1165-1199), Gilen II.a Siziliakoa eta Raimundo VI.a Tolosakoarekin ezkondu zena.
• Joanes (1166-1216), Ingalaterrako erregea izan zena bere anaia Rikardo hil ostean.

Genealogia