Joan Lurgabea

Joan Ingalaterrakoa (Oxford, 1166ko abenduaren 24a – Newark-on-Trent, Nottinghamshire, 1216ko urriaren 19a), Joan Lurgabea^[1][2] (ingelesez: John Lackland, frantsesez: Jean Sans Terre) ezizenez ezaguna, Ingalaterrako erregea eta Akitaniako dukea izan zen 1199 eta 1216 bitartean. Haren agintaldian geratu zen Lapurdi Akitaniako dukerriaren barnean, eta bera errege zelarik hornitu zen Baiona hiri-gutun berri batez (1215).

Joan Lurgabea
Irudi gehiago
Ingalaterrako monarka 1199ko apirilaren 6a - 1216ko urriaren 19a ← Rikardo I.a Ingalaterrakoa - Henrike III.a Ingalaterrakoa → Irlandako jauna 1199ko apirilaren 6a - 1216ko urriaren 19a Normandiako dukea count of Anjou (en)
Bizitza
Jaiotza	Beaumont Palace (en) , 1166ko abenduaren 24a
Herrialdea	Ingalaterrako Erresuma
Heriotza	Newark Castle (en) , 1216ko urriaren 19a (49 urte)
Hobiratze lekua	Worcesterko katedrala
Heriotza modua	berezko heriotza: disenteria
Familia
Aita	Henrike II.a Ingalaterrakoa
Ama	Leonor Akitaniakoa
Ezkontidea(k)	Isabel, Countess of Gloucester (en)  (1189ko irailaren 5a (egutegi gregorianoa), 1189ko abuztuaren 29a (egutegi gregorianoa) -  1199 (egutegi gregorianoa)) Isabella of Angoulême (en)  (1200ko abuztuaren 24a (egutegi gregorianoa) -
Bikotekidea(k)	ikusi Adela de Warenne (en) Clementia (en) Hawise de Tracy (en) Agatha de Ferrers (en)
Seme-alabak	ikusi Henrike III.a Ingalaterrakoa Rikardo Kornualleskoa Joan of England Isabella of England Eleanor of Leicester (en) Joan, Lady of Wales (en) Richard FitzRoy (en) Oliver fitz Regis (en) Osbert Gifford (en) Geoffrey FitzRoy (en) John FitzJohn (en) Odo FitzRoy (en) Ivo (?) (en) Henry (?) (en) Richard of Wallingford (en) Matilda of Barking (en) Isabella la Blanche (en) Joan (?) (en)
Haurrideak	ikusi Leonor Ingalaterrakoa Joan of England Matilde Ingalaterrakoa, Saxoniako dukesa Alice of France (en) Marie of France, Countess of Champagne (en) William IX, Count of Poitiers (en) Henrike Gaztea Rikardo I.a Ingalaterrakoa Geoffrey II (en) William Longespée, 3rd Earl of Salisbury (en) Geoffrey Morgan
Leinua	House of Anjou (en)
Hezkuntza
Hizkuntzak	ingelesa
Jarduerak
Jarduerak	monarka

Bizitza

Aita Henrike II.a Ingalaterrakoa eta ama Leonor Akitaniakoa zituen. Filipe Augusto Frantziako erregearen laguntzaz, aitaren eta bere anaia Rikardo I.aren aurkako saioak egin zituen, eta Ingalaterrako errege izendatu zuten azken hau oinordekorik gabe hil zenean, bere iloba Artur Bretainiako dukearen kaltetan.

1202. urtean, Filipe Augusto Frantziakoak Normandia, Anjou, Maine, Turena eta Poitou gabe uztea deliberatu zuen, Elisabet Angulemakoa berekin eramateagatik (orduan hasi zitzaion Lurgabea esaten Frantzia aldean). Filipe Augustok Normandia konkistatzeari ekin eta Arturren esku utzi zuen gainerako lurraldeak hartzeko kargua. 1203. urtean Joan Lurgabeak berak hil zuen Artur, eta Bretainia gabe geratu zen, bertako matxinadari ezin eutsi izan ziolarik. Ondoko urteetan Normandia (1204) eta Turena (1205) galdu zituen.

Aldi berean, 1204-1206ko Guiena eta Lapurdiko krisiari aurre egin behar izan zion, Gaztelako Alfontso VIII.ak Nafarroako Erresuma inbaditzeko eta Guiena mendean hartzeko abian jarritako kanpainaren ondorioz. Horretarako, hitzarmen bat lotu zuen Antso VII.a Nafarroako erregearekin, gaztelarren aurka elkarren arteko defentsa eta Baiona, Nafarroa eta Akitaniaren arteko sinergia segurtatuz.

Bere agintaldiko azken urtean sinatu zuen errege agintearen mugak zehazten zituen Magna Carta (1215).

Ezkontza eta seme-alabak

1189an Elisabet Gloucesterkoarekin ezkondu zen, baina ez zuten seme-alabarik izan eta ezkontza baliogabetzeko eskatu zuen.

1200an Elisabet Angulemakoarekin ezkondu eta bost seme-alaba izan zituzten:

• Henrike (1207-1272), oinordekoa.
• Rikardo (1209-1272), Cornwallgo dukea.
• Joana (1210-1238), Alexandro II.a Eskoziakoarekin ezkondu zena.
• Elisabet (1214-1241), Frederiko II.a Germaniako Erromatar Inperio Santukoarekin ezkondu zena.
• Leonor (1215-1275), Gilen Marshal Pembrokekoa eta Simon Montfortekoarekin ezkondu zena.

Genealogia