Herkulano

Herkulano^[1] (latinez: Herculaneum) egun Ercolano hirian, Campanian, zegoen antzinako erromatar hiria. Gaur egun, hiriaren hondakinak besterik ez dauden arren, garai batean Ponpeia baino aberatsagoa izan zen. Ezaguna da, Ponpeia bezala, Vesuvioren errautsek eta harriek estali zutelako oso-osorik 79. urteko abuztuaren 24an, eta horregatik, garai horretan zegoen bezala kontserbatu da. 1997an Gizateriaren ondare izendatua izan zen, Ponpeiarekin batera.

Herkulano
Herculaneum
UNESCOren gizateriaren ondarea
Archaeological Areas of Pompei, Herculaneum and Torre Annunziata
Irudi gehiago
Kokapena
Koordenatuak	40°48′22″N 14°20′51″E
Historia eta erabilera
79ko Vesuvioaren erupzioa
Suntsipena	79ko urriaren 24a
Arkitektura
Azalera	98 ha
Gizateriaren ondarea
Erreferentzia	829-003
Eskualdea[I]	Europa eta Ipar Amerika
Izen-ematea	bilkura)
Objetu kopurua	66 item (en)
Bisitariak urtean	563.165
Kontaktua
Helbidea	Corso Resina, 1, 80056 Ercolano
Webgune ofiziala
UNESCOk egindako sailkapenaren arabera

1738az geroztik egindako indusketa-lanei esker, bizimodu erromatarra ederki erakusten duten ateak, kaleak, etxeak, dendak, tenpluak, mosaikoak, horma-pinturak, eskulturak, etab. aurkitu dira. Lehen erromatar hezurdurak (I. mendekoak) Herkulanon topatu ziren. Aurkikuntza hau garrantzitsua da erromatarrek III. mendera arte gorpuak errausten zituztelako, eta zaila delako garai hori baino lehenagoko hezurdurak aurkitzea.

Herkulanoko erromatarren luxuzko etxeak daude, eta horien artean Villa dei Papiri da ezagunena, itsasora bistak zituen Lucio Calpurnio Piso Caesomnio-ren (Julio Zesarren aitaginarrebaren) luxuzko jauregia.

Eraikin publikoak

• Hiri inguruko termak
• Palestra
• Antzerkia