Jacques Derrida

Jacques Derrida (El Biar (Frantziako Aljeria), 1930eko uztailaren 15a- Paris, 2004ko urriaren 9a) frantziar filosofoa izan zen. Postestrukturalismoko autore nabarmena izan zen eta dekonstrukzioaren kontzeptua garatu zuen lehena.^[1]

Jacques Derrida
Irudi gehiago
Bizitza
Jaiotzako izen-deiturak	Jacques Derrida
Jaiotza	El-Biar (en) , 1930eko uztailaren 15a
Herrialdea	Frantzia
Heriotza	Parisko 5. barrutia, 2004ko urriaren 8a (74 urte)
Hobiratze lekua	Cemetery of Ris-Orangis (en)
Heriotza modua	berezko heriotza: pankreako minbizia
Familia
Ezkontidea(k)	Marguerite Aucouturier (en)  (1957 -  2004)
Seme-alabak	ikusi Daniel Agacinski (en) Pierre Alferi (en)
Hezkuntza
Heziketa	École normale supérieure Pariseko Letren Fakultatea Parisko Unibertsitatea I - Panthéon-Sorbonne 1980) Doktoregoa (Frantzian) : humanitateak Harvard Unibertsitatea Lycée Louis-le-Grand
Tesi zuzendaria	Jean-Toussaint Desanti
Doktorego ikaslea(k)	Bernard Stiegler Catherine Malabou Carlos Alberto Lobo Serge Margel (en) Hadrien Laroche Philippe Beck François Raffoul (en) Pierre-Henri Castel (en) Karel Thein (en) Carlos Lobo (en) Manola Antonioli
Hizkuntzak	frantsesa
Irakaslea(k)	Étienne Borne Michel Foucault Louis Althusser Jean Hyppolite (en)
Ikaslea(k)	ikusi Paul B. Preciado Bernard-Henri Lévy
Jarduerak
Jarduerak	filosofoa, literatura-kritikaria, unibertsitateko irakaslea eta idazlea
Lantokia(k)	Frantzia
Enplegatzailea(k)	Gizarte Zientzietako Goi Mailako Ikasketen Eskola European Graduate School (en) University of California, Irvine (en)
Jasotako sariak	ikusi Theodor W. Adorno Saria  (2001) Harry Oppenheimer Fellowship Award  (2008)
Influentziak	Martin Heidegger, Platon, James Joyce, Friedrich Nietzsche, Ferdinand de Saussure, Emmanuel Levinas, Sigmund Freud, Edmund Husserl, Jean-Jacques Rousseau, Karl Marx, Claude Lévi-Strauss, Georg Wilhelm Friedrich Hegel, Georges Bataille, Louis Marin, Louis Althusser, Michel Foucault, Walter Benjamin, Antonin Artaud eta Ludwig Wittgenstein
Kidetza	Arteen eta Zientzien Ameriketako Estatu Batuetako Akademia
Mugimendua	Postestrukturalismoa dekonstrukzioa

Pentsamoldea

Derridaren pentsamendua ulertzeko Bigarren Mundu Gerra ondoren frantziako filosofian eman zen garapena kontuan hartu behar da. Gerra ostean fenomenologia eta existentzialismoaren filosofia subjektibista eta humanista nagusi ziren. Humanismo horren aurka estrukturalismoa altxatu zen gizakiaren askatasunaren ordez egiturek zuten eragina azpimarratuz. Azkenik Foucault, Derrida, Kristeva edo Deleuze bezalako postestrukturalistek egituren zurruntasunaren aurka erreakzionatuko dute.^[2][3]

Derridak dekonstrukzioaren bidez hitzak eta kontzeptuak aztertu eta berfinkatu zituen, agerian utziz filosofiak ez duela oinarri sendorik. Hizkuntzalaritza eta antropologiarekin lotu da dekonstrukzioa, haien funts filosofikoak kritikatu baitzituen. Derridak eragin handia izan zuen Europako filosofia eta literaturaren teoriaren gainean.

Hala ere, goraipamenak zein kritika sutsuak jaso zituen Derridak. John Searle-ren hitzetan:

«

Dekonstrukzioaren testuak pentsaera zabalik edukita irakurtzen duen oro harritu egiten da fenomeno berdinen aurrean, ni harritu nintzen bezala: argudio filosofikoen maila apala, idazkeraren ilunkeria propio egina, aldarrikapen izugarri hanpatuak, eta paradoxikoak diruditen baina analizatutakoan ergelak edo pisugabeak diren baieztapenen bidez sakontasun itxura emateko nahia

»