Jacques Roux

Jacques Roux (Pranzac, Frantzia, 1752ko abuztuaren 21a - Bicêtre, Frantzia, 1794ko otsailaren 10a) iraultzailea izan zen. Irakaslea zen Angulemako apaizgaitegian. Frantziako Iraultzaren jarraitzaile sutsua izan zen. 1790ean Parisen hartu zuen bizilekua, apaizen konstituzio zibila zin egin zuen, eta Saint-Nicolas-des-Champseko bikario izendatu zuten, baina apaizgoa utzi zuen. Parisko Komunako kide izan zen. Janari urritasunak sortutako krisialdian izan ziren matxinaden eta harrapaketen sustatzaile izan zen. Jabetza kritikatu zuen, aberatsen aurka jardun zuen, Maraten politikaren aldekoa zen, eta 1793az geroztik enragés taldearen ordezkaria izan zen. Sozialismoa aldeztu zuen eta eragin handia izan zuen Babeufengan. 1794an atxilotu eta hiltzera kondenatu zuten. Bere burua hil zuen kartzelan zegoela.

Jacques Roux
(1795) Irudi gehiago
Bizitza
Jaiotza	Pranzac, 1752ko abuztuaren 21a
Herrialdea	Frantzia
Heriotza	Bicêtre (en) , 1794ko otsailaren 10a (41 urte)
Hobiratze lekua	Cimetière de Gentilly (en)
Heriotza modua	suizidioa: odolustea
Hezkuntza
Hizkuntzak	frantsesa
Jarduerak
Jarduerak	politikaria eta apaiz katolikoa
Parte-hartzailea Frantziako Iraultza
Sinesmenak eta ideologia
Erlijioa	Erromatar Eliza Katolikoa
Alderdi politikoa	Enragés (en)

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Artikulu hau Frantziako biografia baten zirriborroa da. Wikipedia lagun dezakezu edukia osatuz.

• Datuak: Q615492
• Multimedia: Jacques Roux / Q615492