Jaime García Terrés

Jaime García Terrés (Mexiko Hiria, 1924ko maiatzaren 15a - ibidem, 1996ko apirilaren 29a) mexikar idazlea izan zen. Zuzenbide-ikasketak egin zituen Mexikoko Unibertsitatean, eta Erdi Aroko estetika eta filosofiakoak Frantzian. Grezian itzultzaile eta enbaxadore izan zen, eta intelektual gisa, kulturari buruzko interesa sustatzen saiatu zen. Zenbait literatura aldizkariren zuzendari izan zen: México en el Arte, Revista de la Universidad de México, La Gaceta del Fondo de Cultura eta Biblioteca de México. Halaber, Fondo de Cultura Económica argitaletxeko zuzendari izan zen.

Jaime García Terrés
Bizitza
Jaiotza	Mexiko Hiria, 1924ko maiatzaren 15a
Herrialdea	Mexiko
Heriotza	Mexiko Hiria, 1996ko apirilaren 29a (71 urte)
Hezkuntza
Heziketa	Mexikoko Unibertsitate Nazional Autonomoa
Hizkuntzak	gaztelania
Jarduerak
Jarduerak	poeta, abokatua, diplomazialaria, idazlea, itzultzailea eta editorea
Kidetza	Colegio Nacional (en)

Obra nagusiak, poesia-arloan: Las provincias del aire (1956, Aireko probintziak), Los reinos combatientes (1962, Erreinu borrokalariak), Todo lo más por decir (1971, Esateko daukadan guztia), Corre la voz (1980, Zurrumurrua dabil), Las manchas de sol. Poesía 1956-1987 (1987, Eguzki orbanak. 1956-1987 bitarteko poesia), Parte de vida (1988, Bizitza zatia); eta saiakeran, Sobre la responsabilidad del escritor (1949, Idazlearen erantzukizunaz), La feria de los días (1953, Egunen feria), Reloj de Atenas (1977, Atenasko erlojua), Poesía y alquimia: los tres reinos de Gilberto Owen (1980, Poesia eta alkimia: Giberto Owenen hiru erreinuak) eta El teatro de los acontecimientos (1988, Gertakarien antzerkia).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q5925060