James Ellroy

James Ellroy (Los Angeles, Ameriketako Estatu Batuak, 1948ko martxoaren 4a) ingelesezko idazlea da. Ellroyren hainbat lan zinemara eraman dute, White Jazz (2012), besteak beste.

James Ellroy
Irudi gehiago
Bizitza
Jaiotzako izen-deiturak	Lee Earle Ellroy
Jaiotza	Los Angeles, 1948ko martxoaren 4a (77 urte)
Herrialdea	Ameriketako Estatu Batuak
Bizilekua	Los Angeles Denver Kansas City Connecticut Brooklyn San Frantzisko
Hezkuntza
Heziketa	Fairfax High School (en)
Hizkuntzak	ingelesa
Jarduerak
Jarduerak	idazlea, eleberrigilea, autobiografialaria eta gidoilaria
Lan nabarmenak	ikusi Lloyd Hopkins Trilogy (en) L.A. Quartet (en) Underworld USA Trilogy (en)
Jasotako sariak	ikusi Edgar Awards  (2015eko apirilaren 29a)
Kidetza	West Ameriketako Idazleen Elkartea
Genero artistikoa	polizia generoa fikzioa historikoa misterioa noir fiction (en)
jamesellroy.net

Bizitza

Hamar urte zituela, ama hil zioten, eta ez zuten hiltzailea sekula aurkitu. Gertakari horrek bere bizitza markatu zuen. Delinkuentzia, droga eta alkoholari heldu zion. Presondegia ezagutu zuen, aberatsen etxeetan lapurtzeagatik.

Egun batean, ordea, bizitza zuzentzea erabaki, eta idazteari ekin zion. Hogeita hamahiru urte zituela idatzi zuen lehen liburua, Brown´s Requiem (1981). Eleberri beltz modernoan sailkatu behar da Ellroyren lana. Pertsonaia nagusiak detektibeak, poliziak eta hiltzaileak dira. Hiru liburuko sorta bat idatzi zuen, Lloyd Hopkins Los Angelesko polizia protagonistatzat hartuta: Blood on the Moon, Because the Night (1984) eta Suicide Hill (1986).

Horren ondoren, beste lau liburuko bilduma idatzi zuen, Los Angeles hiria kokaleku hartuta: The Black Dahlia (1987, amari dedikatua), The Big Nowhere (1988), L.A. Confidential (1990) eta White Jazz (1992).

Azken idazlanak hauek dira: American Tabloid (1995), My Dark Places (1996) eta The Hilliker Curse: My Pursuit of Women (2010).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q318487
• Multimedia: James Ellroy / Q318487