Jamie Cullum

Jamie Cullum (Rochford, Essex, 1979ko abuztuaren 20a), Ingalaterrako jazz-pop abeslari, kantautore eta irrati esataria da^[1]. Abeslaria eta piano-jotzailea bada ere bestelako instrumentuak ere jotzen ditu, gitarra eta bateria esate baterako. 2010ko apiriletik aurrera BBC Radio 2 katean asteartero jazz emanaldia aurkezten du^[2].

Jamie Cullum
(2017) Irudi gehiago
Bizitza
Jaiotza	Rochford, 1979ko abuztuaren 20a (46 urte)
Herrialdea	Erresuma Batua
Familia
Ezkontidea(k)	Sophie Dahl  (2010eko urtarrilaren 9a -
Hezkuntza
Heziketa	Readingeko Unibertsitatea Wiltshire College (en) Sheldon School (en) Grittleton House School (en)
Hizkuntzak	ingelesa
Jarduerak
Jarduerak	musikagilea, piano-jotzailea, egile abeslaria, jazz musikaria, abeslaria, perkusionista, bateria-jotzailea, gitarra-jotzailea eta irrati-esataria
Genero artistikoa	jazza crossover jazz (en) jazz singing (en) swinga
Musika instrumentua	baxua gitarra pianoa ahotsa Wurlitzer Electric Piano (en) perkusio instrumentua bateria
Diskoetxea	Universal Music Group Candid Records Decca Records Lioness Records (en)
jamiecullum.com

Biografia

Aita judua eta ama indiar jatorrikoa ditu^[3]. Jamie Cullum Rochforden jaio zen^[4] eta Hullavingtonen (Wiltshire) hazi^[5]. Readingeko Unibertsitatean Ingeles Literatura eta Zinema ikasketak egin zituen^[6].

Oraindik unibertsitateko ikasle zela, Heard It All Before diskoaren 500 kopia soilik atera zituen 1999an eta arrakasta itzela izan zuen. Geoff Gascoynek urte hartako Songs of the Summer bilduman sartu zuen^[7]. Unibertsitatean graduatu ondoren atera zuen bigarren diskoa, Pointless Nostalgic eta 2003ko apirilean Universal disketxearekin beste hiru disko ateratzeko milioi bat liberako kontratua sinatu zuen. 2003an bertan Twentysomething diskoa atera zuen, bere ibilbideko hirugarrena. Platino izatera iritsi zen eta Erresuma Batuko historian salmenta handienak izan zituen jazz artista bihurtu zen^[8].

2005ean Catching Tales diskoa atera zuen. Jazz oinarria mantenduz soinu berrik ekarri zituen bere musikara. "Get Your Way", "Mind Trick" eta "Photograph" izan ziren single arrakastatsuenak. Ordutik mundu mailako Jazz jaialdi handienetan hartu du parte, Montrealen, New Orleansen, Glastonburyn, Coachellan, Monterreyn, Jakartan... Herbeheretako "Erreginaren Egunean", 2006ko apirilaren 30ean, bildu zuen inoizko ikusle kopuru handiena.

Diskografia

• Heard It All Before (1999)
• Pointless Nostalgic (2002)
• Twentysomething (2003)
• Catching Tales (2005)
• The Pursuit (2009)
• Momentum (2013)
• Interlude (2014)
• Taller (2019)
• The Pianoman at Christmas (2020)